FRJ payızdıq mölşerlemeni özgerissiz qaldırdı

AQŞ-tıñ Federaldı rezervtik jüyesiniñ aşıq narıq operaciyaları jönindegi komiteti 20 qırküyekte bazalıq payızdıq mölşerlemeni 1-1,25% deñgeyinde özgerissiz qaldırdı. Bwl turalı RNS agenttigi habarladı. 

"Eñbek narığı men inflyaciya jağdayına baylanıstı komitet FRJ bazalıq mölşerlemesiniñ maqsattı intervalın 1-1.25% deñgeyinde saqtau turalı şeşim qabıldadı. Aqşa-kredit sayasatı turalı wstanım qalıptı bolıp qala beredi, bwl eñbek narığındağı oñ ürdisterdi qoldaydı jäne inflyaciyanıñ 2% deñgeyine tüsuine mümkindik beredi", - delingen FRJ habarlamasında.

Ayta keteyik, bwğan deyin naurız ayında FRJ mölşerleme 2017 jılı 0,25 payızdıq deñgey boyınşa üş ret köterilui mümkin ekenin aytqan. QArjı wyımı osılayşa mölşerlemeni naurız ayında 1,25 payızdıq punkti boyınşa 0,5−0,75%-dan 0,75−1%-ğa deyin, mausımda 1−1,25%-ğa deyin köterip, şildede osı deñgeyde qaldırğan bolatın.

FRJ-nıñ payızdıq mölşerlemeni köterui tek Amerika ekonomikasına ğana emes, narıqta dollar ekvivalentin qoldanatın barlıq elderge ıqpal etedi. Mısalı Qazaqstanda FRJ stavkasınıñ köterilui inflyaciyanıñ joğarılauına jäne teñgeniñ älsireuine äserin tigizedi.

“The Qazaq Times”