Foto: russiansu.ru

QR Eñbek jäne äleumettik qorğau ministrligi şetel azamattarınıñ eñbek etuine rwqsat berudiñ üş türin wsındı jäne birtindep migranttardı wlttıq kadrlarğa almastıru jwmıstarın qolğa almaq. Ministr Tamara Düysenova ükimet otırısında 2017-2021 jıldarğa arnalğan QR migraciyalıq sayasatı jönindegi koncepciyanı tanıstıru kezinde osılay dedi.

Osılayşa ol şeteldik mamandardıñ eñbek etui üşin rwqsat berudiñ tömendegidey üş türin wsındı: 

  • birinşisi, biliktigi tömen şeteldik jwmısşılardıñ uaqıtşa jwmıs isteuine bir jılğa rwqsat beru. Bwl olardıñ keluin azaytadı. Sonday-aq jeke twlğalardıñ qolında jwmıs isteytin şeteldik jwmısşılar men eñbek migranttarına qatıstı boladı;
  • Rwqsat berudiñ ekinşi türi bilikti şeteldik jwmısşılardıñ üş jılğa deyin jwmıs isteuine mümkindik beredi. Olar memleket üşin mañızı bar jobalarğa qatısadı. Qazirgi kezde bwl rwqsat türi jıl sayın wzartu arqılı bir jılğa berilip jür;
  • Al rwqsattıñ üşinşi türin wzaq merzimdi jobalardı iske asıru üşin käsibi qızmeti bar bilikti şeteldik qızmetkerlerge beru. Bwl 2017 jılı engizilgen anıqtama jüyesi. Koncepciya ayasında osı anıqtamalardıñ jaramdı merzimin üş aydan üş jılğa deyin sozu wsınılıp otır. Jwmısşınıñ biliktiligine qatıstı berilgen anıqtama üş jılğa deyin jaramdı boladı jäne sol anıqtama arqılı üş jıl işinde Qazaqstanda jwmısqa ornalasa aladı.

Tamara Düysenova bwl şaralar şetel mamandarın wlttıq kadrlarmen almastıru üşin jalpıwlttıq biliktilikti arttıru bağdarlamasınıñ iske asırıluımen birge jüretinin atap ötti.

“The Qazaq Times”