Foto: kapital.kz

Atırau oblısındağı Qaşağan ken ornında mwnay öndiru ayına 650 mıñ tonnağa jetti, dep habarlaydı QazAqparat.

"Qazirgi uaqıtta 2016 jılı qaytadan iske qosılğan ken ornında 316 adam eñbek etedi. Teñiz ken ornında barlığı 40 wñğıma bar. Olardıñ işinde 20-sı «D» jäne «A» araldarında, al qalğan 20-sı qosalıqı sputniktik araldarda ornalasqan. 8 wñğıma jwmıs isteydi. Osı ayda mwnay öndiru kölemi 650 mıñ tonnağa jetti. Teñiz qondırğısı Batıs Eskene aumağında üş qwbır jelisi arqılı jer astı öndirisine qosılğan", - dep mälimdedi «Nort Kaspian Opereyting Kompani B.V.» kompaniyasınıñ baspasöz qızmeti.

2017 jılı Qaşağan ken ornınan şamamen 8,5 mln tonna mwnay öndiriledi boladı dep boljanğan.

Qaşağannıñ geologiyalıq qorında 4,8 mln tonna mwnay boladı dep bağalanğan. Mwnaydıñ jalpı qorı 38 milliard barrel'di qwraydı, onıñ işinde şamamen 10 milliard barrel' öndiriledi, tabiği gaz qorı 1 trillion tekşe metrden asadı.

Ayta keteyik, Qazaqstan OPEK-tiñ mwnay kölemin qısqartu turalı kelisimin orındauşı elderdiñ biri. Alayda Resey banki Qazaqstannıñ OPEK kelisimin orındap otırğanına kümänmen qaraydı.

“The Qazaq Times”