قاشاعاندا مۇناي ءوندىرۋ كولەمى ءبىر ايدا 650 مىڭ تونناعا جەتتى

اتىراۋ وبلىسىنداعى قاشاعان كەن ورنىندا مۇناي ءوندىرۋ ايىنا 650 مىڭ تونناعا جەتتى، دەپ حابارلايدى قازاقپارات.

"قازىرگى ۋاقىتتا 2016 جىلى قايتادان ىسكە قوسىلعان كەن ورنىندا 316 ادام ەڭبەك ەتەدى. تەڭىز كەن ورنىندا بارلىعى 40 ۇڭعىما بار. ولاردىڭ ىشىندە 20-سى «D» جانە «A» ارالدارىندا، ال قالعان 20-سى قوسالىقى سپۋتنيكتىك ارالداردا ورنالاسقان. 8 ۇڭعىما جۇمىس ىستەيدى. وسى ايدا مۇناي ءوندىرۋ كولەمى 650 مىڭ تونناعا جەتتى. تەڭىز قوندىرعىسى باتىس ەسكەنە اۋماعىندا ءۇش قۇبىر جەلىسى ارقىلى جەر استى وندىرىسىنە قوسىلعان", - دەپ مالىمدەدى «نورت كاسپيان وپەرەيتينگ كومپاني ب.ۆ.» كومپانياسىنىڭ ءباسپاسوز قىزمەتى.

2017 جىلى قاشاعان كەن ورنىنان شامامەن 8,5 ملن توننا مۇناي وندىرىلەدى بولادى دەپ بولجانعان.

قاشاعاننىڭ گەولوگيالىق قورىندا 4,8 ملن توننا مۇناي بولادى دەپ باعالانعان. مۇنايدىڭ جالپى قورى 38 ميلليارد باررەلدى قۇرايدى، ونىڭ ىشىندە شامامەن 10 ميلليارد باررەل وندىرىلەدى، تابيعي گاز قورى 1 تريلليون تەكشە مەتردەن اسادى.

ايتا كەتەيىك، قازاقستان وپەك-ءتىڭ مۇناي كولەمىن قىسقارتۋ تۋرالى كەلىسىمىن ورىنداۋشى ەلدەردىڭ ءبىرى. الايدا رەسەي بانكى قازاقستاننىڭ وپەك كەلىسىمىن ورىنداپ وتىرعانىنا كۇمانمەن قارايدى.

“The Qazaq Times”