Foto: railways.kz

Qazaqstan Respublikasınıñ Prezidenti N. Nazarbaevtıñ Taşkentke resmi saparı barısında 2-şi Qazaqstan-Özbek biznes forumı ötip, «Qazaqstan temir jolı» WK» AQ men «Uzbekiston temir yullari» AQ arasında stretegiyalıq seriktestik turalı Kelisimge» qol qoyıldı, dep habarlaydı wlttıq kompaniyanıñ baspasöz qızmeti. 

«QTJ» WK» AQ basşısı Qanat Alpısbaevtıñ aytuınşa, kompaniya maşina jasau salasındağı älemdik - «General Electric», «Alstom», «Patentes Talgo S.L.», «SIEMENS» sekildi jetekşi kompaniyalarmen soñğı ülgidegi jıljımalı qwramdı qwrastıruda ozıq innovaciyalıq tehnologiyalardı qoldanuda.

Qazirgi tañda qazaqstandıq käsiporındar jük jäne jolauşılar teplovozdarın, elektrovozdarın, jolauşılar jäne jük vagondarın şığaradı. Joldıñ üstiñgi qabatına qajetti materialdardı öndiredi.

Qazaqstandıq käsiporındardan şıqqan temirjol köligi maşinaları eksporttıq swranısqa ie. Saraptaular qorıtındısına qarağanda, jalpı kölemi 3 mlrd AQŞ dolları kölemindegi önimderdi 18 memleketke ötkizgen. Temirjol köligi maşinaları önimderi körşiles memleketter Özbekstan, Türkmenstan, Täjikstan, Qırğızstan, Äzirbayjan, Ukrainağa eksporttaldı.

Qazaqstan-özbek biznes forumı ayasında «QTJ» WK» AQ men «UTY» AQ arasında strategiyalıq seriktestik turalı Kelisimge qol qoyıldı Ol Kelisim boyınşa QTJ biılğı jıl ayağına deyin Özbekstanğa 5 mıñ tonna rel's önimderin jetkizuge uağdalastı. Biznes forum ayasında Özbekstanğa jılına 13,5 mıñ tonna temirjol önimderin jetkizuge wzaqmerzimdik Kelisimge qol qoyıldı. 2020 jıldarğa deyin özbek temirjolına 40 mıñ tonna rel's önimderin jetkizu josparlanıp otır.

2020 jıldarğa deyingi jalpı temirjol önimderiniñ tauar aynalımı AQŞ-tıñ 320 million dollarına bağalanıp otır.

“The Qazaq Times”