Qala küni Almatı twrğındarı men qonaqtarı dästürli «ALMAFest-2017» alma festivali, köpmıñdıq «Open Air «Gakku dausı», «Almatı Arenadağı» «EMA-2017»  muzıka sıylığı bağdarlamaların tamaşalay aladı. Bwl turalı Almatı qalası äkimdiginiñ baspasöz qızmeti habarladı.

Äkimdiktiñ mälimetinşe, 17 qırküyekke deyin jürginşige basımdıq beretin Panfilov, Jibek jolı, Gogol', Qabanbay batır köşelerin qayta jasau jwmıstarı ayaqtaladı.

15 qırküyekte sağat 10.00-den bastap qala twrğındarı men qonaqtarı Almatı Mwrajayında «Almatı peterborlıq suretşiler közimen» attı körmeni tamaşalap,  peterborlıq suretşilerdiñ tuındıların köre aladı. Däl  sol küni sağat 18:00-de Jambıl atındağı Qazaq memlekettik filarmoniyasında I.Morilend pen G. Üzenbaevtıñ fortepianalıq duet keşi ötedi, al 19.30-da M. Lermontov atındağı drama teatrında 85-şi mereyli mausım bastaladı.

15 , 16 qırküyek künderi sağat 19.00-de Abay atındağı MATOB-ta klassikalıq önerdi bağalaytındar üşin älemdik balet keşi körermenderin kütedi.16 qırküyekte zamanaui otandıq muzıka äuesqoyları üşin qazaqstandıq «Gakku dausı» festivali ötedi.

17 qırküyekte sağat 10-00 de Qazaqstan Respublikasınıñ Twñğış Prezidenti atındağı sayabaqta  jıl sayın 200 mıñğa deyin Almatı twrğındarı men qonaqtarın jinaytın qalalıq dästürli «ALMAFest-2017» alma  festivali ötedi. Festival' mañında 100 tonnadan astam almanıñ dämin tatıp, satıp aluğa boladı, sonımen qatar aşıq aspan astında  türli sport, körkem, muzıka alañdarı jwmıs isteydi, bwlarda şeberlik sınıptarı, balalar jäne otbasılıq oyındar wyımdastırıladı. Körme aumağında qolönerşiler keluşilerge özderi jasağan zergerlik bwyımdarın wsınadı, sonımen qatar  osı jerden qolöner şeberleriniñ aksessuarların, furnituraların aluğa boladı.

Däl osı küni «Almatı Arenada» sağat 17:00-de otandıq jäne şeteldik estrada jwldızdarınıñ qatısuımen «EMA-2017» Evraziyalıq  muzıkalıq sıylığı ötedi.

Qala künine oray  Almatınıñ tarihi ortalığınıñ üşten birin jañartu jwmıstarın ayaqtau josparlanğan.

“The Qazaq Times”