Kreml' biılğı jıldıñ basında Tramp ükimetine eki el arasındağı qarım-qatınastı qayta qalpına keltirudiñ jol kartasın wsınğanın mälimdedi. Alayda, AQŞ ükimeti bwğan jauap bermegen. Bwl turalı «The Wall Street Journal» basılımında jazıldı.

Kreml'diñ bas mälimdemeşisi Dmitriy Peskov aqparatınşa, Resey Qwrama Ştattarmen ärtürli formalar arqılı diplomatiyalıq jäne äskeri arnaların qayta qalpına keltirudiñ jobasın wsınğan. Ol sözinde: «Resey ärdayım pikir almasudı, dialogtı qalpına keltirudi qoldaydı. Sonday-aq, qarım-qatınastı retke salu jobasınıñ şeşim tabuı üşin birge jwmıs isteuge tırısadı. Biraq, ökinişke oray, AQŞ ükimeti bwl wsınısqa jauap bermedi», – dedi.

BuzzFeed saytı seysenbide jariyalağan habarına sensek, Resey Tramp ükimetine qwjat joldağan, onıñ mazmwnında äskeri jäne intellektualdı baylanıstardı qalpına keltiru turalı wsınıstar engizilgen. Naurızda şığarılğan qwjattar birqatar bastamalardı jüzege asıru üşin naqtı kezdesuler men merzimderdi qamtıdı. Bwl bastamalar eki jaqtı saudanı damıtuğa da bağıttalğan. Sonımen qatar, kiberqauipsizdik jäne terrorizmge qarsı birlesken jwmıs toptarın qwrudı da qamtidı.

Al, Aq üy tarabı, Wlttıq qauipsizdik keñesi reseylik wsınıs joldamasınıñ qabıldanbağanın rastadı. Aq üy şeneunikteriniñ biri bwl turalı: «Jaña ükimet qızmetin bastaudan ilgeri AQŞ pen Resey qarım-qatınasın qayta retteuge, dostıq qarım qatınastı jaqsartuğa ümitker boldı. Prezidenttiñ özi saylaudan bwrın Reseymen bolğan baylanıstı jaqsartatının aytqan bolatın. Ökinişke oray bwl ümitter jüzege aspadı. İs biz kütkennen basqa bağıtqa damıp ketti», – degen pikirin bildirdi.

“The Qazaq Times”