Resey elge kirgen şetel azamattarına baqılaudı küşeytetin zañdı resmi atqara bastadı. 29 jeltoqsannan bastap küşine engen jaña zañğa säykes Reseyge kirgen şeteldik 30 kün işinde medicinalıq tekseruden ötuge jäne jeke sausaq izderin tirkeuge mindetti.

Reseydegi mwnday jaña erejeler turalı özge elderdiñ Sırtqı ister ministrlikteri de resmi habarlama taratıp jatır. Alayda, Qazaqstan SİM resmi saytında bwnday aqparat azirge berilmedi.

Jaña ereje şetel azamatınan Reseyge kirgen är retinde medicinalıq tekseristen ötudi mindetteydi, al sausaq izderin bir-aq ret tirkeydi. Bwl erejege eñ aldımen eldegi sauda wyımdarı narazılıq bildirdi. Aytalıq, Resey-Germaniya sauda palatası aşıq narazılığın bildirdi.

Bwğan deyin AQŞ-tıñ Reseydegi elşisi Jeyson Robhol'cta atalmış jaña zañnıñ «gsenofobiyalıq» sipatı bar äri Reseydegi şeteldikterdiñ ömirin qiındatadı dep sınağanı bar.

Mindetti medicinalıq tekseruden ötkizetin standarttı ortalıqtar Reseydiñ keybir alıs aymaqtarında joqtıñ qası. Reseydiñ jalpı jağdayı jäne sauda baylanıs şarttarınan alıp qarağanda atalmış ereje Reseyge baratın jäne onda twrıp jatqan şeteldikter üşin ülken qolaysızdıqtar jaratadı.

Al, bastapta Resey prezidenti Vladimir Putin atalmış zañdı eldiñ epidemiya kezindegi qauipsizdigine baylanıstı qabıl alğanın aytqan.

Soñğı uaqıtta Kreml'diñ sayasatı avtoritarizmnen totaltarizmge bet alıp bara jatır dep jii sınğa alınuda.

The Qazaq Times