Aun San Su Çi BWW keñesindegi kezi. Foto: DNA India.

Rohindja mwsılmandarına jasalğan zorlıq-zombılıq isterine baylanıstı M'yanma basşısı Aun San Su Çige köptegen elderden narazılıqtar küşeye tüskendikten, ol BWW Bas Assambleyasınıñ isterine qatıstırılmaytın boldı. Bwl turalı BBC-diñ onlayn qızmeti habarlaydı.

BWW Qauipsizdik keñesi bügin M'yanmadağı qandı qırğınğa qatıstı kezekten tıs mäjilis aşadı. Halıqaralıq qauımdastıqtıñ mälimetine qarağanda, rohindja mwsılmandarına qarsı äskeri äreketten 400-den astam adam qaza bolıp, 370 mıñ halıq Bangladeşke bas sauğalap qaşıp barğan.

Atalğan aymaqta keybir auıldar tolığımen örtelgen. BWW osı isterge baylanıstı M'yanma ükimetin etnikalıq qırğınğa jol bergeni üşin ayıptap otır. Al M'yanma ükimeti bolsa özderiniñ rohindjanıñ bülikşi küşterimen küresip jatqanın, qarapayım halıqtıñ zardap şegip jatpağanın aytuda.

M'yanma ükimeti ne dese de, twrğındarınıñ basım köbi buddistterden twratın Rakhayn ştatındağı mwsılman azşılıqqa jasalğan qısımdı jasırıp qala almaydı. Äri Rohinja mwsılmandarı san jıldan beri M'yanmada jasap kele jatqanına qaramastan M'yanma ükimeti olardı bosqındar qatarında sanap kelgen.

Älemdik qauımdastıq jäne köptegen eldiñ ükimetteri M'yanma basşısın "qırğındı toqtatıp, mwsılman azşılıqtı qorğap qaluğa äreket etpedi" dep ayıptadı. Ayta ketelik, Aun San Su Çi osıdan eki jıl bwrın bilik basına kelgen. Odan bwrın demokratiyanı qoldaudağı qızu qandı äreketteri üşin 15 jıl üy qamağında bolğan. Osı üşin de oğan Beybitşilik Nobel' sıylığı berilgen. Biraq soñğı qırğın äreketindegi jauapsızdığı üşin BWW Bas Assambleyası jinalısqa qatıstırmaytın boldı.

“The Qazaq Times”