Süriya eliniñ pasportı. Foto: The Daily Caller.

Germaniya qauipsizdik küşteriniñ mälimetine qarağanda, özderin «Islam memleketi» dep atağan terrorlıq wyım 10 mıñnıñ üstindegi Süriya eliniñ pasportın qolğa tüsirgen. Bwl pasporttardı paydalanıp, atalğan terrorlıq toptıñ adamdarı Europağa kirui mümkin, dep topşılanıp otır. Bwl turalı «Şinlañ» aqparattıq agenttiginiñ resmi saytı habarladı.

"Sunday picture newspaper" basılımı 10 qırküyek küni Germaniya İşki ister ministrliginiñ qwpiya qwjattarına silteme jasay otırıp, barlığı 11 mıñ 100 toltırılmağan pasport qwjattarı «Islam memleketi» terrorlıq tobınıñ qolında twrğanın habarlağan. Germaniya İşki ister ministrligi osı aqparattı senimdi aqparat közinen alıp otırğanın aytqan. Bwl wrlanğan pasporttar tügeldey Süriya ükimetiniñ seriyalıq nomerleri bar, alayda eşbir adamnıñ atına berilmegen, aq küydegi pasporttar ekeni anıq bolğan.

Germaniyanıñ terrorizmge qarsı küres wyımınıñ sarapşısı Lauşenstiñ mälimdeuinşe, bwl pasporttarğa terroristter jalğan mälimetter toltıra aladı. Sonday-aq, terrorlıq wyımnıñ müşelerine özge elderde lañkestik äreketter jasauına taptırmaytın dünie bolıp twr. Lauşenstiñ sözine qarağanda, Parijdegi terrorlıq şabuıldar da osınday pasporttardıñ kömeginde jasalğan.

Qazirgi uaqıtta Germaniya Federaldıq policiyası men Europalıq elderdiñ tiisti vedomstvoları osı tölqwjattardıñ seriyalıq nömiri turalı habardar bolğan. Europa elderi osı mäseleni qadağalauda selbestik ornatqalı otırğanı mälim boldı.

"Sunday picture newspaper" basılımınıñ habarına qarağanda, ötken jılı Germaniyanıñ Immigraciya jäne bosqındar isi jönindegi basqarması 81 mıñ 301 bosqınnıñ pasportın tekseristen ötkizgen. Solardıñ arasında 8 mıñ 625 dana pasporttıñ jalğan ekeni mälim bolğan. Degenmen olardıñ arasında atalğan terrorlıq toptıñ adamdarı joq ekeni de rastalğan.

“The Qazaq Times”