Foto: naked-science.ru

Europarlamenttiñ qwqıq qorğau komiteti adam men robot arasındağı qarım-qatınası turalı kodeksti jasau jönindegi wsınıstı maqwldadı. Bwl turalı Europian Parliament News habarlaydı.

Atalmış mäseleni qarastıru ideyasına Lyuksemburgtağı Europarlament müşesi Madi Delvonıñ  (Mady Delvaux) bayandaması arqau bolğan. Onıñ oyınşa, robototehnikalardıñ damuı men qoldanısqa enui adam qauipsizdiginiñ kepili bolmaq. Ol üşin osınday zañdı qalıptastıru kerek dep wsınıs tastadı.

Bayandamada robot tarapınan jasalınatın ekologiyalıq nemese densaulıqqa keltiretin ziyandarın jäne adamdar tarapınan mindetterdi naqtılaytın,  etikalıq minez-qwlıqtardı qarastıratın, erikti kodeks jasap şığaru wsınılğan bolatın. Qwjattıñ bir böliginde  öndiruşilerge tötenşe jağday bola qalğan jağdayda,  maşina konstrukciyasında «öşiru»  punktin qarastıru turalı wsınıs aytılğan.

Osı kodekstiñ orındaluın baqılaytın jaña qwrılım – robototehnika men jasandı intellektke jauaptı Europalıq agenttik. Bwl bölim tehnikalıq, qwqıqtıq-normativtik jäne etikalıq ekspertizalıq sektorlardı qaraytın bwl bastaması wzaq merzimde jwmıs jasağannan keyin «elektrondı twlğalardıñ» tirkeui jüzege asatın boladı.

Dauıs beru nätijesinde, bayandamanı 17 adam qoldap, eki deputat qarsı pikirin bildirse, ekeui qalıs qalğan. Madi Delvo hanım wsınğan  bastamanıñ tağdırın Europarlamentte tolıq qwramda şeşu qajet bolğandıqtan, aqpan ayındağı jinalısta anıqtaladı dep josparlanuda. Eger osı ideya maqwldanğan jağdayda, qwjat qwqıqtıq märtebesin aladı jäne apattar jii orın alatın wşqışsız kölik salasına äser etedi dep kütilude.

«The Qazaq Times»