ەۋروپارلامەنت ادام مەن روبوت قارىم-قاتىناسىن زاڭداستىرادى

ەۋروپارلامەنتتىڭ قۇقىق قورعاۋ كوميتەتى ادام مەن روبوت اراسىنداعى قارىم-قاتىناسى تۋرالى كودەكستى جاساۋ جونىندەگى ۇسىنىستى ماقۇلدادى. بۇل تۋرالى Europian Parliament News حابارلايدى.

اتالمىش ماسەلەنى قاراستىرۋ يدەياسىنا ليۋكسەمبۋرگتاعى ەۋروپارلامەنت مۇشەسى مادي دەلۆونىڭ  (Mady Delvaux) بايانداماسى ارقاۋ بولعان. ونىڭ ويىنشا، روبوتوتەحنيكالاردىڭ دامۋى مەن قولدانىسقا ەنۋى ادام قاۋىپسىزدىگىنىڭ كەپىلى بولماق. ول ءۇشىن وسىنداي زاڭدى قالىپتاستىرۋ كەرەك دەپ ۇسىنىس تاستادى.

باياندامادا روبوت تاراپىنان جاسالىناتىن ەكولوگيالىق نەمەسە دەنساۋلىققا كەلتىرەتىن زياندارىن جانە ادامدار تاراپىنان مىندەتتەردى ناقتىلايتىن،  ەتيكالىق مىنەز-قۇلىقتاردى قاراستىراتىن، ەرىكتى كودەكس جاساپ شىعارۋ ۇسىنىلعان بولاتىن. قۇجاتتىڭ ءبىر بولىگىندە  وندىرۋشىلەرگە توتەنشە جاعداي بولا قالعان جاعدايدا،  ماشينا كونسترۋكتسياسىندا «ءوشىرۋ»  پۋنكتىن قاراستىرۋ تۋرالى ۇسىنىس ايتىلعان.

وسى كودەكستىڭ ورىندالۋىن باقىلايتىن جاڭا قۇرىلىم – روبوتوتەحنيكا مەن جاساندى ينتەللەكتكە جاۋاپتى ەۋروپالىق اگەنتتىك. بۇل ءبولىم تەحنيكالىق، قۇقىقتىق-نورماتيۆتىك جانە ەتيكالىق ەكسپەرتيزالىق سەكتورلاردى قارايتىن بۇل باستاماسى ۇزاق مەرزىمدە جۇمىس جاساعاننان كەيىن «ەلەكتروندى تۇلعالاردىڭ» تىركەۋى جۇزەگە اساتىن بولادى.

داۋىس بەرۋ ناتيجەسىندە، باياندامانى 17 ادام قولداپ، ەكى دەپۋتات قارسى پىكىرىن بىلدىرسە، ەكەۋى قالىس قالعان. مادي دەلۆو حانىم ۇسىنعان  باستامانىڭ تاعدىرىن ەۋروپارلامەنتتە تولىق قۇرامدا شەشۋ قاجەت بولعاندىقتان، اقپان ايىنداعى جينالىستا انىقتالادى دەپ جوسپارلانۋدا. ەگەر وسى يدەيا ماقۇلدانعان جاعدايدا، قۇجات قۇقىقتىق مارتەبەسىن الادى جانە اپاتتار ءجيى ورىن الاتىن ۇشقىشسىز كولىك سالاسىنا اسەر ەتەدى دەپ كۇتىلۋدە.

«The Qazaq Times»