QR Densauıq saqtau ministri Eljan Birtanov. Foto: Sputnik Kazahstan

QR Densaulıq saqtau ministri Eljan Birtanov mindetti äleumettik medicinalıq saqtandıru jüyesin engizu merzimi bir-eki jılğa şegerilui mümkin ekenin joqqa şığarğan joq. Alayda ol medsaqtandıru qorına jwmıs beruşilerden bwrınğıday qarajattı jinay berudi wsınıp otır. 

Osılayşa Birtanov bir-eki jılğa keşiktirilip engizilui mümkin jüyege jinalğan qarajattıñ qayda tüsetinin tüsindirdi.

Onıñ sözinşe, jüyeni engizu merzimi özgeruine qaramastan vedomstvo jwmıs beruşilerden jarnanı jinay beru turalı wsınıstı qarastıradı.

"Jüyeni engizu merzimin auıstıru wsınılıp otır. YAğni biz qordıñ jwmısın, jwmıs beruşilerden jarna jinaudı jalğastıra beremiz. Bizdiñ wsınısımız - tüsip jatqan jarnalardı jinay berudi jalğastıru. Biraq medicinalıq qızmet üşin tölemderdiñ merzimi auısuı mümkin. Biz qazir mwnı qayta qarastırıp jatırmız", - dedi ministr.

Al osı uaqıtqa deyin jinalğan qarjı Wlttıq bank şotında saqtalatın boladı. Sonday-aq, aldağı eki jılda medsaqtandıru qorına 160 mlrd teñge tüsedi dep kütilude.

Ayta keteyik, 4 qırküyek küni Qazaqstan Prezidenti Nwrswltan Nazarbaev mindetti äleumettik medicinalıq saqtandıru jüyesindegi kemşilikterge nazar audarıp, atalğan jüyeni engizuge asıqpau keregi turalı aytqan.

Şın mäninde osı jıldıñ 1 şildesinen bastap saqtandıru qorına aqşa audaru bastalıp ketken. Kelesi jıldıñ 1 qañtarınan bastap osı saqtandıru qorındağı qarajat arqılı medicinalıq qızmet körsetu bastalu kerek edi. Alayda endi bwl qızmetti alu da mümkin bolmayın dep twr.

Ayta keteyik, atalğan jüye bastalmay twrıp-aq ekonomisterdiñ sınına wşırağan edi. Al eger onı tağı eki jılğa keşiktirip engizu jüzege asatın bolsa, bwl halıq arasında tağı tüsinspeuşilik tuğızatını sözsiz.

“The Qazaq Times”