Oñtüstik Koreya qarttarı. Foto: 凤凰新闻/

Oñtüstik Koreyadağı BAQ-tıñ habarlauınşa, memleket twrğındarına jürgizilgen sanaqtıñ jaña nätijesi boyınşa 65 jastan asqan qarttar halıq sanınıñ 14 payızın wstaytını anıqtalğan. Bwl Koreya qoğamınıñ «Qarttıq qoğamğa» ayaq basqanınan derek beredi. Bwl turalı «Şinlañ» aqparattıq saytı jazdı.

Oñtüstik Koreyanıñ Qauipsizdik qızmeti 3 qırküyekte jariyalağan mälimetine süyensek, tamız ayınıñ soñına deyin Oñtüstik Koreyanıñ halıq sanı 51 mln 753 mıñ 820 adam bolıp, 65 jastan asqan qarttardıñ sanı 14 payızdı ielegen.

BWW Halıq sanın anıqtau komitetiniñ körsetken ölşemi boyınşa 65 jastan asqan qarttardıñ üles salmağı el halqınıñ 7 payızın qwrasa «qarttana bastağan qoğam», 14 payızın ielese «qarttanğan qoğam», 20 payızın qwraytın bolsa «ayrıqşa qarttanğan qoğam» retinde qaraladı.

Oñtüstik Koreyadağı Jollanam-do twrğındarı arasında 65 jastan asqan halıq sanı 21,4% bolğan. Bwğan qosa 8 provinciyasında halıq sanınıñ 14 payızdan 20 payızğa deyingi üles salmağın 65 jastan asqan koreyalıq qarttar qwrağan. Jäne tağı 8 provinciyada qarttar salmağı 7 payızdan 14 payızğa deyin ielegen. Tekseru nätijesine säykes, qazirgi tañda Oñtüstik Koreyada halıq sanında qarttar üles salmağı 7 payızğa jetpeytin provinciya atımen joq bolıp şıqtı.

Bwl körsetkiş bir esepten Koreya halqınıñ qarttanuın körsetkenimen, endi bir jağınan sol eldiñ wzaq jasau körsetkişiniñ joğarı ekenin anıqtaydı. Osıdan bwrın saytımızda körsetken "wzaq jasaudıñ qwpiyasın tapqan elder" arasında, damığan medicina jäne joğarı därejeli azıqtanu sapasınıñ nätijesinde Oñtüstik Koreya twrğındarınıñ wzaq jasauı älemniñ aldınğı qatarında ekenin aytqan edik.

“The Qazaq Times”