Foto: AP/ Bernat Armangue

M'yanma eldiñ Rakhayn şatatındağı rokhindja mwsılmandarına Birikken Wlttar wyımı jibergen gumanitarlıq kömekti qabıldamay, şekteu qoydı. BWW halıqqa däri-därmek, su, azıq-tülik jibergen. Bwl turalı Guardian gazetine silteme jasap Ria Novosti habarladı.  

M'yanmadağı BWW rezidenti ökilderiniñ habarlauınşa, qauipsizdik şaraları men ükimet tarapınan bolğan şekteulerge baylanıstı jäne ştatqa baratın joldarda tıyım salınğandıqtan kömek körsetuge mümkindik bolmay otır.

Degenmen BWW tez arada gumanitarlıq kömekti qayta jiberu üşin jergilikti bilikpen tığız qarım-qatınas jasap otırğanın mälimdedi.

Ayta keteyik, BWW eldiñ soltüstik böliginde bir aptadan astam uaqıt boyı eşqanday jwmıs jürgizbegen. M'yanma biligi tipti halıqaralıq qızmetkerlerge rwqsat beruden bas tartıp, viza berudi keşiktirgen.

M'yanmadağı mwsılmandarğa bağıttalğan qırğınşılıq 25 tamızdan bastalğan.  M'yanma ükimetiniñ mälimdemesine silteme jasağan basılımdarınıñ aqparatına süyensek, eldegi keybir şağın islamdıq toptar qauipsizdik küşterine şabuıl jasağan. Alayda mwnı M'yanma ülken qırğınğa wlsatırıp jiberdi.

Halıqaralıq köşi-qon wyımınıñ mälimetinşe, ötken aptanıñ özinde 18 mıñ rohindja mwsılmanı M'yanmadağı zorlıq-zombılıqtan qaşıp, Bangladeşke ötken jäne qazirgi kezdiñ özinde ondağı bosqındar lagerine panalağan rohindja  mwsılmandarınıñ sanı 76 mıñnan asıp ketken.

“The Qazaq Times”