Foto: inosmi.ru

Eurokomissiyanıñ Prezidenti Jan-Klod YUnker Türkiya men Euroodaqtıñ qarım-qatınası qiındap twrğanın mälimdedi.  

"Türkiya Euroodaqtan alıstap baradı. Meniñ oyımşa, Erdoğan Türkiyanıñ Euroodaqqa kiru turalı kelisimderine bizdiñ taraptan nükte qoyılğanın qalaytın siyaqtı. Sonda ol ekijaqtı qarım-qatınastardıñ şielenisuine Euroodaqtı kinälap, öziniñ ayıbın jasırıp qaluşı edi", - dedi ol.

Euroodaq Türkiyada ötken jılı orın alğan memlekettik töñkeris jasauğa talpınıs oqiğasınan keyin Rejep Tayıp Erdoğannıñ küdikti azamattardı jappay qudalauğa wşıratqanına qatıstı narazılıq bildirgen bolatın.

Germaniya kancleri Angela Merkel': "Germaniyada 3 mln türik azamattarınıñ twratının eskerip, Türkiya biligi öz elinde konstituciyalıq qwqıqtardı saqtauı kerek. Olar adam qwqıqtarı men bostandıqtarın erkin bwzıp otırğandıqtan, bizdiñ qarım-qatınastarımızğa sızat tüsip otır", - dedi.

Aqpan ayında Türkiyada nemis-türik jurnalisti Deniz YUkel' twtqındalğan kezde, Germaniya Ükimeti biliktiñ tek öz elinde ğana emes, şet elde de söz bostandığın şektep otırğanın aytıp, älem nazarın audarıp edi.

“The Qazaq Times”