Yinglak pen Barak Obama. Foto: johnib.wordpress.com.

Tailand Joğarğı sotı bwrınğı prem'er-ministr Yinglak Şinavatranı (Yingluck Shinawatra) qamauğa alu turalı bwyrıq şığardı. Ol osığan deyin sot şaqıruına kelmegen. Twtqındau bwyrığınıñ şığuı Yinglaktıñ kürişti subsidiyalau bağdarlamasın jüzege asıruı Tayland üşin auır şığın alıp keluine baylanıstı bolıp otır. Bwl turalı The Wall Street Journal basılımı habarladı.

Yinglaktıñ advokatınıñ aytuınşa, twtqındau bwyrığı policiya tarapına onı qamauğa alu  ıqtimaldığın beredi, biraq bwl üşin şağımdanu mümkindigi bar. Yinglak bolsa 2014 jılı äskeri töñkeristen keyin taqtan qwlatılğan bolatın. Al ol kürişti subsidiyalau bağdarlamasında qwqıq bwzuşılıq orın alğanı üşin 10 jılğa deyin bas bostandığınan ayırıluı mümkin.

Beysenbi küni ol öziniñ Facebook paraqşasına öziniñ jaqtastarınıñ qaqtığısuına jol bermeu üşin sotqa barmaytının aytqan. Jwma küni onıñ mıñnan astam jaqtastarı alañğa şıqtı. Yinglaktıñ jaqtastarı jinalğan orınğa policiya qızmetkerleri qorşap twrdı. Degenmen küş qoldanu äreketteri bolğan joq.

Jeke advokatınıñ aytuına qarağanda, sot ükimi şığudan bir sağat bwrın onı tağı da sotqa şaqırğan, alayda ol densaulığınıñ jaramaytının  aytıp, sot otırısınan bas tartqan. Sot otırısı  27 qırküyekke özgertildi. Sot şeşimi onı bas bostandığınan ayırsa da, Yinglakta 30 kün uaqıt bar. Osı uaqıtta ol joğarı sot üstinen de şağımdana aladı.

“The Qazaq Times”