Foto: easttime.ru

Jıl basınan beri 956 käsiporın qazaqstandıqtarğa 2,08 mlrd tenge köleminde jalaqı qarız bolğan. Mwnday derekti eñbek inspektorları anıqtadı, dep habarlaydı QR Eñbek jäne halıqtı äleumettik qorğau ministrliginiñ baspasöz qızmeti. 

Vedosmtvonıñ mälimetinşe, bankrot retinde tanılğan 92 käsiporınnıñ 4080 qızmetkerge bereşegi 1 mlrd teñgeni qwrağan.

"Atalğan käsiporındardıñ jetekşilerine barlığı 127,7 mln  teñgeni qwraytın 588 ayıppwl salındı. Sonday-aq, 816 orındaudı talap etetin  eskertu berildi", - baspasöz habarlamasında.

Ministrliktiñ mälimetinşe, 12,9 mıñ jalaqısız qalğan jwmısşığa 1,68 mlrd teñge mölşerindegi  eñbekaqı qarızı berilgen. Eñbekaqını töleu boyınşa zañ bwzuşılıq derekterin anıqtau jwmıstarı jalğasıp jatır.

Ayta keteyik, elimizde käsiporındar ğana emes, wlttıq kompaniyalardıñ özi qızmetkerlerge mardımsız jalaqı beretin kezi bolğan. Bwl mäsele qazirgi uaqıtta da oñalıp twrğanı şamalı.

“The Qazaq Times”