Yemen biligi Irandı elde soğıs otın twtandırıp otır dep ayıptadı

Yemen biligi Irandı elde azamat soğısınıñ otın twtandırıp otır dep ayıptadı.

Yemen sırtqı ister ministri Abdulmälik äl-Mehlafi jurnalister aldında söylegen sözinde: «Iran Huti qozğalısındağı şiit bülikşilerin qoldau arqılı Yemende azamat soğısınıñ otın twtandırıp otır. Yemen Iransız-aq öziniñ işki mäselelerin şeşe aladı» - degen.

Bwğan deyin Saud Arabiyasınıñ Birikken Wlttar Wyımındağı elşisi Abdallah äl-Mualimom Tehrandı (Tegerandı) «Yemen aumağındağı Huti qozğalısın qaru-jaraqpen qamtamasız etip otır» dep ayıptağan bolatın. Iran öz kezeginde Saud Arabiyası men Yemen tarapınan jasalğan bwl ayıptaulardı negizsiz dep, öziniñ Huti qozğalısına eşqanday qatısı joq ekendigin aytqan edi.

Esteriñizge salayıq, Yemende el biligi men Huti şiit bülikşileri arasındağı soğıs 2014 jıldıñ qırküyek ayınan beri jalğasıp keledi.

“The Qazaq Times”