Foto: Tk-sadovod

Balalarğa arnalğan sapasız oyınşıq şığaratın käsipkerlerge salınatın ayıppwl kölemin mıñ aylıq eseptik körsetkişke deyin (1 AEK - 2269 teñge) köteru kerek. Bwl turalı Twtınuşılardıñ wlttıq ligasınıñ basşısı Svetlana Romanovskaya  mälimdedi. 

"Twtınuşılar qwqığın ünemi bwzatındar özderiniñ äreketine jäne alğan qarjısına jauap berui qajet. 10 AEK kölemindegi ayıppwl (22 960 teñge) bwl öte az", - dedi ol.

Onıñ sözinşe, wlttıq liga formal'degid bar oyınşıqtardı jii wşırastıradı jäne oyınşıqtardıñ sapasız boyauı balalardıñ auzına tüsip ketedi eken.

"Biz ayıppwldı 100 esege, yağni mıñ AEK-qa köteru kerek dep esepteymiz (2 229 000 teñge). Bwl mäseleni ükimette köterdik. Biraq bizge orta jäne şağın biznesti qoldau turalı bwyrıq berildi. Al özderi osılay qoldap otır. Eger barlıq twtınuşılar bas tartsa, biznestegi bwl önimderdi satıp alatın eşkim bolmaytının olar qaşan tüsinedi?", - deydi ol.

Liga basşısınıñ sözinşe, 2017 jıldıñ altı ayında densaulıq saqtaudıñ öñirlik departamentteri 641 oyınşıq ülgisi (35%) Keden odağınıñ tehnikalıq reglamentteriniñ talaptarına say kelmeytinin anıqtağan. Al ötken jılı sapa boyınşa tekseruden oyınşıqtardıñ 39,8%-ı ötpey qalğan.

 “The Qazaq Times”