بالالارعا ارنالعان ساپاسىز ويىنشىق شىعاراتىن كاسىپكەرلەرگە سالىناتىن ايىپپۇل كولەمىن مىڭ ايلىق ەسەپتىك كورسەتكىشكە دەيىن (1 اەك - 2269 تەڭگە) كوتەرۋ كەرەك. بۇل تۋرالى تۇتىنۋشىلاردىڭ ۇلتتىق ليگاسىنىڭ باسشىسى سۆەتلانا رومانوۆسكايا مالىمدەدى.
"تۇتىنۋشىلار قۇقىعىن ۇنەمى بۇزاتىندار وزدەرىنىڭ ارەكەتىنە جانە العان قارجىسىنا جاۋاپ بەرۋى قاجەت. 10 اەك كولەمىندەگى ايىپپۇل (22 960 تەڭگە) بۇل وتە از", - دەدى ول.
ونىڭ سوزىنشە، ۇلتتىق ليگا فورمالدەگيد بار ويىنشىقتاردى ءجيى ۇشىراستىرادى جانە ويىنشىقتاردىڭ ساپاسىز بوياۋى بالالاردىڭ اۋزىنا ءتۇسىپ كەتەدى ەكەن.
ء"بىز ايىپپۇلدى 100 ەسەگە، ياعني مىڭ اەك-قا كوتەرۋ كەرەك دەپ ەسەپتەيمىز (2 229 000 تەڭگە). بۇل ماسەلەنى ۇكىمەتتە كوتەردىك. بىراق بىزگە ورتا جانە شاعىن بيزنەستى قولداۋ تۋرالى بۇيرىق بەرىلدى. ال وزدەرى وسىلاي قولداپ وتىر. ەگەر بارلىق تۇتىنۋشىلار باس تارتسا، بيزنەستەگى بۇل ونىمدەردى ساتىپ الاتىن ەشكىم بولمايتىنىن ولار قاشان تۇسىنەدى؟", - دەيدى ول.
ليگا باسشىسىنىڭ سوزىنشە، 2017 جىلدىڭ التى ايىندا دەنساۋلىق ساقتاۋدىڭ وڭىرلىك دەپارتامەنتتەرى 641 ويىنشىق ۇلگىسى (35%) كەدەن وداعىنىڭ تەحنيكالىق رەگلامەنتتەرىنىڭ تالاپتارىنا ساي كەلمەيتىنىن انىقتاعان. ال وتكەن جىلى ساپا بويىنشا تەكسەرۋدەن ويىنشىقتاردىڭ 39,8%-ى وتپەي قالعان.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى