Süriyanıñ kinäsizderi. Foto: BBC.

Resey ükimeti Süriya men Iraktağı terrorlıq wyımdarda jürgen reseylik jetim balalardı elge jäne keybireulerin ata-anasına qaytaru jwmıstarın qolğa aldı. Bwl  turalı «Rossiya segodnya» telearnasınıñ 17 şilde küngi habarında aytıldı, dep jazdı «Şinhua» resmi saytı.

Ükimet Adam qwqıqtarı jönindegi Federaldıq komissiyanı qwru turalı şeşim qabıldap, bwl balalardı Reseyge qaytaru turalı jauaptı qızmet atqaratındarın mälimdegen.

Deputattardıñ bergen mälimetine süyensek, qazir ükimet jaq soğıs bolıp jatqan öñirlerden reseylik balalardı tauıp ala bastağan. Olarğa onda baspanasız, aş-jalañaş, qayda bararların bilmey qañğıp jürgen balalar turalı mälimetter kelgen. Köptegen balalar özderiniñ qaydan kelgenin bilmeytin bolıp şıqqan. Tipti keybir balalar äue şabuılı bolğan kezde jertölelerge qaşıp tığıludı ğana biletin bolğan.

Bwdan bwrın Resey prezidenti janındağı Balalar qwqığın qorğau wyımınıñ ökili Kuznecova, Irak pen Süriyağa äketilgen reseylik balalar Reseydiñ barlıq aymaqtarınan kelgenin, biraq, Şeşenstan men Dağıstan Respublikasınan barğandar birşama köbirek ekenin mälimdegen bolatın.  Reseyge qaytaruğa tiisti köptegen balalardıñ tuu turalı kuälikteri nemese özge  bir de bir qwjattarı joq. Biraq zañ boyınşa olar Resey azamatı bolıp sanaladı.

Qazirgi uaqıtta şamamen 350 balanıñ sanı anıqtalıp otır. Resey ükimetiniñ ökilderi bwl mäseleni tolığımen şeşu üşin bes nemese on jıl qajet boluı mümkin dep otır.

“The Qazaq Times”