ءسۇريانىڭ كىناسىزدەرى. فوتو: BBC.

رەسەي ۇكىمەتى ءسۇريا مەن يراكتاعى تەررورلىق ۇيىمداردا جۇرگەن رەسەيلىك جەتىم بالالاردى ەلگە جانە كەيبىرەۋلەرىن اتا-اناسىنا قايتارۋ جۇمىستارىن قولعا الدى. بۇل  تۋرالى «روسسيا سەگودنيا» تەلەارناسىنىڭ 17 شىلدە كۇنگى حابارىندا ايتىلدى، دەپ جازدى «شينحۋا» رەسمي سايتى.

ۇكىمەت ادام قۇقىقتارى جونىندەگى فەدەرالدىق كوميسسيانى قۇرۋ تۋرالى شەشىم قابىلداپ، بۇل بالالاردى رەسەيگە قايتارۋ تۋرالى جاۋاپتى قىزمەت اتقاراتىندارىن مالىمدەگەن.

دەپۋتاتتاردىڭ بەرگەن مالىمەتىنە سۇيەنسەك، قازىر ۇكىمەت جاق سوعىس بولىپ جاتقان وڭىرلەردەن رەسەيلىك بالالاردى تاۋىپ الا باستاعان. ولارعا وندا باسپاناسىز، اش-جالاڭاش، قايدا بارارلارىن بىلمەي قاڭعىپ جۇرگەن بالالار تۋرالى مالىمەتتەر كەلگەن. كوپتەگەن بالالار وزدەرىنىڭ قايدان كەلگەنىن بىلمەيتىن بولىپ شىققان. ءتىپتى كەيبىر بالالار اۋە شابۋىلى بولعان كەزدە جەرتولەلەرگە قاشىپ تىعىلۋدى عانا بىلەتىن بولعان.

بۇدان بۇرىن رەسەي پرەزيدەنتى جانىنداعى بالالار قۇقىعىن قورعاۋ ۇيىمىنىڭ وكىلى كۋزنەتسوۆا، يراك پەن سۇرياعا اكەتىلگەن رەسەيلىك بالالار رەسەيدىڭ بارلىق ايماقتارىنان كەلگەنىن، بىراق، شەشەنستان مەن داعىستان رەسپۋبليكاسىنان بارعاندار ءبىرشاما كوبىرەك ەكەنىن مالىمدەگەن بولاتىن.  رەسەيگە قايتارۋعا ءتيىستى كوپتەگەن بالالاردىڭ تۋ تۋرالى كۋالىكتەرى نەمەسە وزگە  ءبىر دە ءبىر قۇجاتتارى جوق. بىراق زاڭ بويىنشا ولار رەسەي ازاماتى بولىپ سانالادى.

قازىرگى ۋاقىتتا شامامەن 350 بالانىڭ سانى انىقتالىپ وتىر. رەسەي ۇكىمەتىنىڭ وكىلدەرى بۇل ماسەلەنى تولىعىمەن شەشۋ ءۇشىن بەس نەمەسە ون جىل قاجەت بولۋى مۇمكىن دەپ وتىر.

“The Qazaq Times”