Foto: APF/Getty Images

Fillipin policiyası jürgizgen tüngi reyd şarası kezinde 32 adam öltirildi. Qwqıq qorğau qızmetkerleriniñ habarlauınşa, qaza tapqandar esirtkige qatısı bar degen küdiktiler. Oqiğa ornında qoldarına qaru alıp, policiyağa qarsılıq körsetkenderi üşin jan tapsırğan. Bwl turalı BBC aqparattıq agenttigi jazdı. 

24 sağat boyı jürgizilgen reyd el astanası Maniladan soltüstikke qaray ornalasqan Bulakan provinciyasında bolğan. Atalğan şara memleket basşısı Rodrigo Duterteniñ Fillipindi naşaqorlıqtan tügel tazartu maqsatında qolğa alğan sayasatınıñ ayasında jüzege asıp otır. 2016 jıldan beri mıñdağan küdikti sotqa jetpey, kinäsi däleldenbesten, wstalğan jerde öltirilgen. Bwl äreketi üşin älem elderi basşıları men qwqıq qorğau wyımdarınıñ narazılığına wşırağan Prezident qolğa alğan isin jalğastırıp keledi.

Reyd kezinde 100-ge juıq adam abaqtığa jabılıp, zañsız aynalımdağı esirtki men qaru-jaraq tärkilendi.

Sotsız öltiru isin ayıptauşılar köp bolğanımen, jergilikti halıq Rodrigo Duterte sayasatın qoldaytını bayqaladı. Beybit twrğındar qala köşelerinde jüru qauipsiz bola bastağanın aytadı. Soñğı kezderi policiya payda tabu maqsatında, jazıqsız adamdardı öltiredi degen mälimdemeler sanı arta bastağan soñ, ağımdağı jıldıñ qañtar ayında Prezident naşaqorlıqqa qarsı küres basqarmasın taratıp, qayta qwrdı. Jaña qızmetkerler jwmısın naurız ayınan bastap qayta jürgizip keledi.

“The Qazaq Times”