Foto: The Qazaq Times.

Tamızdıñ 11-i men 13-i  aralığında  Almatı oblısınıñ Talğar audanındağı at sportı keşeninde ötken şögennen İİ  Qazaqstan  çempionatı öz märesine jetti.

Üş künge sozılğan el birinşiligine Oñtüstik Qazaqstan oblısı şögen federaciyasınıñ komandası, Aqmola oblısı şögen federaciyasınıñ qwraması, «Aqqiya» şögen klubı, «Äulieata» şögen klubı, «Astana polo club» jäne «Almaty polo club» sındı altı komanda qatıstı. Osımen ekinşi märte wyımdastırılğan jarısta üşinşi orın üşin talasta Äulieata şögen klubı men Aqmola oblısı şögen federaciyasınıñ komandaları özara mıqtını anıqtadı. Tartıstı ötken kezdesude 2-1 esebimen bıltırğı çempiondar Äulieata şögen klubı jeñiske jetti.

Al şeşuşi aqtıq  sında «Astana polo club» pen «Almaty polo club» komandaları çempiondıq ataqqa talastı. Nätijesinde birneşe halıqaralıq oyındardıñ jeñimpazdarı «Astana polo club» komandası almatılıqtardı 6-4 esebimen tize büktirdi. Çempionattıñ «üzdik oyınşısı» nominaciyası «Almaty polo club»  komandasınıñ kapitanı Quanış Mwsabekovke bwyırdı. Al, «üzdik polo poni» bolıp «Mausım» attı säygülik tanıldı. Biılğı çempionattıñ audsayderleri «Aqqiya» şögen klubı 5 orınğa, Oñtüstik Qazaqstan oblısı şögen federacisınıñ komandası 6 orınğa taban tiredi.

“The Qazaq Times”