تامىزدىڭ 11-ءى مەن 13-ءى ارالىعىندا الماتى وبلىسىنىڭ تالعار اۋدانىنداعى ات سپورتى كەشەنىندە وتكەن شوگەننەن ءىى قازاقستان چەمپيوناتى ءوز مارەسىنە جەتتى.
ءۇش كۇنگە سوزىلعان ەل بىرىنشىلىگىنە وڭتۇستىك قازاقستان وبلىسى شوگەن فەدەراتسياسىنىڭ كومانداسى، اقمولا وبلىسى شوگەن فەدەراتسياسىنىڭ قۇراماسى، «اققيا» شوگەن كلۋبى، «اۋليەاتا» شوگەن كلۋبى، «Astana polo club» جانە «Almaty polo club» سىندى التى كوماندا قاتىستى. وسىمەن ەكىنشى مارتە ۇيىمداستىرىلعان جارىستا ءۇشىنشى ورىن ءۇشىن تالاستا اۋليەاتا شوگەن كلۋبى مەن اقمولا وبلىسى شوگەن فەدەراتسياسىنىڭ كوماندالارى ءوزارا مىقتىنى انىقتادى. تارتىستى وتكەن كەزدەسۋدە 2-1 ەسەبىمەن بىلتىرعى چەمپيوندار اۋليەاتا شوگەن كلۋبى جەڭىسكە جەتتى.
ال شەشۋشى اقتىق سىندا «Astana polo club» پەن «Almaty polo club» كوماندالارى چەمپيوندىق اتاققا تالاستى. ناتيجەسىندە بىرنەشە حالىقارالىق ويىنداردىڭ جەڭىمپازدارى «Astana polo club» كومانداسى الماتىلىقتاردى 6-4 ەسەبىمەن تىزە بۇكتىردى. چەمپيوناتتىڭ «ۇزدىك ويىنشىسى» نوميناتسياسى «Almaty polo club» كومانداسىنىڭ كاپيتانى قۋانىش مۇسابەكوۆكە بۇيىردى. ال، «ۇزدىك پولو پوني» بولىپ «ماۋسىم» اتتى سايگۇلىك تانىلدى. بيىلعى چەمپيوناتتىڭ اۋدسايدەرلەرى «اققيا» شوگەن كلۋبى 5 ورىنعا، وڭتۇستىك قازاقستان وبلىسى شوگەن فەدەراتسيسىنىڭ كومانداسى 6 ورىنعا تابان تىرەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى