Foto: primeminister.kz

Qazaqstan Respublikasınıñ Prem'er-Ministri Baqıtjan Sağıntaev Qazaqstanğa jwmıs saparımen kelgen Belarus' Respublikasınıñ Prem'er-Ministri Andrey Kobyakovpen kezdesu ötkizdi. Bwl turalı Prem'er-ministrdiñ resmi saytı habarladı. 

Kezdesude ekijaqtı ıntımaqtastıqtıñ özekti mäseleleri, sonıñ işinde sauda-ekonomikalıq qarım-qatınastardı odan äri damıtu boyınşa 2017-2018 jıldarğa arnalğan birlesken şaralardıñ josparın iske asıru barısı talqılandı.

Sonday-aq, eki tarap Sauda-ekonomikalıq ıntımaqtastıq jönindegi Qazaqstan-Belarus' ükimetaralıq komissiyası qızmetine qatıstı mäselelerdi qaradı jäne biıl Qazaqstanda qırküyek ayında ötetin komissiyanıñ kezekti 13-otırısın talqıladı.Bwdan bölek, Qazaqstan men Belarus' arasındağı sauda aynalımı 2017 jılğı qañtar-mamır aralığında 207,8 mln dollardı qwrağanı belgili boldı. Bwl ötken jıldıñ körsetkişimen salıstırğanda 73%-ğa joğarı.Taraptar Euraziyalıq ekonomikalıq odaq ayasında özara is-qimıl jasasu mäselelerine nazar audardı. Önerkäsiptik salada, kölik jäne kommunikaciyalar, sonday-aq ğarış salasında ıntımaqtastıqtı keñeytu mäseleleri qaralğan.Ayta keteyik, sauda-ekonomikalıq ıntımaqtastıq jönindegi Qazaqstan-Belarus' ükimetaralıq komissiyası 1996 jıldan bastap jwmıs isteydi.

“The Qazaq Times”