فوتو: primeminister.kz

قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ قازاقستانعا جۇمىس ساپارىمەن كەلگەن بەلارۋس رەسپۋبليكاسىنىڭ پرەمەر-ءمينيسترى اندرەي كوبياكوۆپەن كەزدەسۋ وتكىزدى. بۇل تۋرالى پرەمەر-ءمينيستردىڭ رەسمي سايتى حابارلادى. 

كەزدەسۋدە ەكىجاقتى ىنتىماقتاستىقتىڭ وزەكتى ماسەلەلەرى، سونىڭ ىشىندە ساۋدا-ەكونوميكالىق قارىم-قاتىناستاردى ودان ءارى دامىتۋ بويىنشا 2017-2018 جىلدارعا ارنالعان بىرلەسكەن شارالاردىڭ جوسپارىن ىسكە اسىرۋ بارىسى تالقىلاندى.

سونداي-اق، ەكى تاراپ ساۋدا-ەكونوميكالىق ىنتىماقتاستىق جونىندەگى قازاقستان-بەلارۋس ۇكىمەتارالىق كوميسسياسى قىزمەتىنە قاتىستى ماسەلەلەردى قارادى جانە بيىل قازاقستاندا قىركۇيەك ايىندا وتەتىن كوميسسيانىڭ كەزەكتى 13-وتىرىسىن تالقىلادى.بۇدان بولەك، قازاقستان مەن بەلارۋس اراسىنداعى ساۋدا اينالىمى 2017 جىلعى قاڭتار-مامىر ارالىعىندا 207,8 ملن دوللاردى قۇراعانى بەلگىلى بولدى. بۇل وتكەن جىلدىڭ كورسەتكىشىمەن سالىستىرعاندا 73%-عا جوعارى.تاراپتار ەۋرازيالىق ەكونوميكالىق وداق اياسىندا ءوزارا ءىس-قيمىل جاساسۋ ماسەلەلەرىنە نازار اۋداردى. ونەركاسىپتىك سالادا، كولىك جانە كوممۋنيكاتسيالار، سونداي-اق عارىش سالاسىندا ىنتىماقتاستىقتى كەڭەيتۋ ماسەلەلەرى قارالعان.ايتا كەتەيىك، ساۋدا-ەكونوميكالىق ىنتىماقتاستىق جونىندەگى قازاقستان-بەلارۋس ۇكىمەتارالىق كوميسسياسى 1996 جىلدان باستاپ جۇمىس ىستەيدى.

“The Qazaq Times”