Aleksandr Lukaşenko jäne Qasım-Jomart Toqaev. Foto: rferl.org

Qasım-Jomart Toqaev «Qazaqstan men Belarus' arasındağı köşi-qon salasındağı ıntımaqtastıq turalı kelisimdi ratifikaciyalau turalı» Zañğa qol qoydı.

Bwğan deyin İşki ister ministri Erlan Twrğımbaev atalğan kelisimniñ qos azamattıqtıñ aldın aluğa bağıttalğanın aytqan. Twrğımbaev: «Bwl uäkiletti organdarmen kelisildi. Eki tarap azamattıq turalı aqparat almasadı. Sonımen qatar, şekarada «Bürkit» aqparattıq bazası bar jäne osı jüye arqılı bizge qanşa adam kelip, qanşa adam baratınınan habardar bolıp otıramız», – dedi.

Twtastay alğanda, zañ eki elge statistikalıq, qwqıqtıq jäne ğılımi-ädistemelik aqparatpen; olardıñ aumağındağı eki memlekettiñ azamattarı turalı mälimettermen, sonday-aq zañsız köşi-qon turalı mälimettermen almasuğa mümkindik beredi.

Qazir Belaurs'te bilik sayasatına qarsı «demokratiya jolındağı küres» wranımen mitingilerdiñ ötip jatqanına 4 aydan astı. Oppoziciya halıqtıq ul'timatum jariyalağanmen, Lukaşenko biligi narazılarğa qarsı küş qoldanuın toqtatqan joq.

9 tamızda Belarus'te prezidenttik saylau ötip, nätijesinde Ortalıq saylau komissiyası şirek ğasır bilik etken Aleksandr Lukaşenkonıñ jeñisin jariyalağan. Oppoziciya prezident saylauınıñ resmi qorıtındısın moyındaudan bas tartıp, elde sayasi dağdarıs uşığa tüsti. Azamattıq belsendiler saylau qorıtındısı bwrmalandı dep sanaydı. Saylaudan keyin Lukaşenkonı «ayqın jeñisimen» alğaşqı bop qwttıqtağan memleketter qatarında Qazaqstan bar.

"The Qazaq Times"