Izrail' jauıngerleri aldındağı palestinalıq qız. Foto: The Electronic Intifada.

AQŞ Senatında Palestinağa beriletin kömekti toqtatu turalı zañ jobası maqwldandı. Zañ jobası 4-ke qarsı 17 dauıspen maqwldanğan. Palestina jaq Izrail' äskerleri jağınan şeyit bolğan nemese Izrail' türmesindegi twtqındarıñ otbasına materialdıq kömekterin toqtatqanğa deyin, Palestinağa atalğan kömekti toqtatudı közdegen. Bwl turalı «Anatolı» aqparattıq agenttiginiñ saytı habarlaydı.

Senattıñ sırtqı baylanıstar komitetinde maqwldanğan bwl zañ jobasına, bıltırğı jılı Tel'-Avivte qaza tapqan amerikalıq student Teylor Forstıñ atı berildi. Äri, özge elderge de Palestinağa kömek bermeu turalı ündeu tastadı.

AQŞ-tağı Palestina ökili zañ jobasın jalğan mälimetterge tolıp, qayşılıq tudıratın zañ jobası dep ayıptadı. Ol: «Palestinağa jasalatın kömek 52 jıldan beri jalğasıp keledi. Bwl kömektiñ bäri de Izrail' jağınan jazıqsız qamalğan jäne öltirilgen qwrbandardıñ otbasına beriledi. Bwl äleumettik qızmet», – dedi.

AQŞ-tıñ 2018 jılğı byudjetinde Şığıs Şeriya jäne Gaza öñiriniñ ekonomikalıq damuı üşin 260 mln AQŞ dolları bölingen bolatın.

“The Qazaq Times”