Foto: twitter/@PaulKagame

Pol' Kagame osımen üşinşi ret qatarınan Ruandanıñ Prezidenti bolıp saylandı. Ol saylauda 98,66 payız dauıs jinasa, Prezidenttikke ümitker täuelsiz qatısuşı Filipp Mpayimana - 0,72 %, "Demokratiyalıq jasıldar partiyasınıñ" ökili Frenk Habineza - 0,45% dauıs beruşilerdiñ qoldauına ie bolğan. Bwl turalı APF aqparattıq agenttigi jazdı.

Pol' Kagame 36 jasınan bastap Ruandanıñ de-fakto köşbasşısı bolıp keledi. 1994 jılı onıñ jasaqtağan äskeri Ruandada 800 mıñ adamdı qırıp, genocid jasağan Hutu ekstremistik tobınıñ tas-talqanın şığarıp jeñgennen keyin, halıq onı özderiniñ "qwtqaruşı batırı" köredi. 2000 jıldan bastap resmi organnıñ şeşimimen Prezident bolıp saylanğanımen, 2003 jılı halıqtıñ qatısuımen demokratiyalıq saylau ötip, 95 payız dauıspen ol öz qızmetinde qaldı. 2013 jılı ötken Prezidenttik saylau kezinde tağı da saylauşılardıñ 93 payızınıñ qoldauına ie bolğan Pol' Kagame jañadan ötken saylau qorıtındısı boyınşa da, Prezidenttik qızmetin jalğastıra beretin boldı.

Pol' Kagame elde qatañ tärtip ornatıp, qauipsizdik pen jıl sayın 7 payızdı qwraytın ekonomikalıq ösimdi qamtamasız etip otır. Degenmen älem basşıları onı eldegi demokratiyalıq qwndılıqtardı janıştap, jeke basınıñ biligin küşeytkisi keletin diktator esebinde tanidı. Osı twsta biıl saylau byulletenderinde Oppoziciya ökiliniñ atı qanşa jıldan beri birinşe ret körinis tapqanın atap ötu kerek. Beyresmi zertteuler men derekterge süyensek, Pol' Kagameniñ qarsılastarı türmege jabıladı ne öltiriledi. Sol sebepten bolsa kerek, Ruandada oğan aşıq qarsı şığatın oppoziciya joq.

Jergilikti käsipker Jan Batist Rutayzir: "Pol' Kagame eldi azat etti. Qazir biz eldiñ kez kelgen jerinde jeke basımızdıñ qauipsizdigi üşin alañdamay jüre alamız", - deydi.

APF aqparattıq agenttiginiñ jurnalisteri Ruanda halqınan Pol' Kagameden basqa saylauğa qatısqan kandidattardıñ esimin swrağanda, köbi olardı tanımaytının aytqan.

2015 jılı ötken jalpıhalıqtıq referendumda ruandalıqtardıñ 98 payızı Konstituciyağa özgeris engizip, Pol' Kagamege üşinşi ret Prezidenttik saylauğa qatısuğa rwqsat beru turalı şeşim qabıldağan.

Ruandalıqtardıñ  birneşe ret qatarınan bir Prezidentti tañdap, onı "beybitşilik ornatuşı" körui, TMD elderindegi birqatar memleketterdiñ basşıların jergilikti halıqtıñ  "täuelsizdik alıp bergen köşbasşı" köretin qwbılısın eriksiz eske saladı...

“The Qazaq Times”