Foto: censoru.net

AQŞ Kongresi Reseymen aradağı zımıran kelisiminiñ küşin joyuı mümkin, dep habarlaydı Politico basılımı.

Politico mälimetinşe, qazirgi tañda AQŞ Kongresinde Pentagonğa Reygan men Gorbaçev arasındağı kelisimin aynalıp ötip, zımıran qwrastıruğa rwqsat beru mäselesi qızu talqılanuda. Kongress müşeleriniñ köpşiliginiñ oyınşa, Resey bwl kelisimdi bayağıda bwzıp qoyğan. Osığan baylanıstı Kongress Pentagonğa aldağı uaqıtta yadrolıq oqtwmsıqsız zımırandar jasauğa rwqsat berui tiis. Olarğa qarsı tarapatıñ sözinşe, Kongrestiñ bwnday şeşimi eki eldiñ yadrolıq qaqtığısına alıp kelui mümkin. Öytkeni qazir Resey men AQŞ qarım-qatınası öte tömen därejede.

Egerde bwl bastama Kongreste köpşiliktiñ qoldauın alatın bolsa, onda AQŞ ükimeti Pentagonğa orta qaşıqtıqtağı zımıran jasauğa bastapqıda 65 million dollar qarjı böletin boladı.

Ayta keteyik, 1987 jılı sol kezdegi Keñester odağınıñ basşısı Gorbaçev pen AQŞ prezidenti Reygan orta jäne qısqa qaşıqtıqtağı zımırandardıñ közin joyuğa baylanıstı kelisimge qol qoyğan bolatın.

“The Qazaq Times”