اقش رەسەيمەن اراداعى زىمىران كەلىسىمىنىڭ كۇشىن جويۋى مۇمكىن

اقش كونگرەسى رەسەيمەن اراداعى زىمىران كەلىسىمىنىڭ كۇشىن جويۋى مۇمكىن، دەپ حابارلايدى Politico باسىلىمى.

Politico مالىمەتىنشە، قازىرگى تاڭدا اقش كونگرەسىندە پەنتاگونعا رەيگان مەن گورباچەۆ اراسىنداعى كەلىسىمىن اينالىپ ءوتىپ، زىمىران قۇراستىرۋعا رۇقسات بەرۋ ماسەلەسى قىزۋ تالقىلانۋدا. كونگرەسس مۇشەلەرىنىڭ كوپشىلىگىنىڭ ويىنشا، رەسەي بۇل كەلىسىمدى باياعىدا بۇزىپ قويعان. وسىعان بايلانىستى كونگرەسس پەنتاگونعا الداعى ۋاقىتتا يادرولىق وقتۇمسىقسىز زىمىراندار جاساۋعا رۇقسات بەرۋى ءتيىس. ولارعا قارسى تاراپاتىڭ سوزىنشە، كونگرەستىڭ بۇنداي شەشىمى ەكى ەلدىڭ يادرولىق قاقتىعىسىنا الىپ كەلۋى مۇمكىن. ويتكەنى قازىر رەسەي مەن اقش قارىم-قاتىناسى وتە تومەن دارەجەدە.

ەگەردە بۇل باستاما كونگرەستە كوپشىلىكتىڭ قولداۋىن الاتىن بولسا، وندا اقش ۇكىمەتى پەنتاگونعا ورتا قاشىقتىقتاعى زىمىران جاساۋعا باستاپقىدا 65 ميلليون دوللار قارجى بولەتىن بولادى.

ايتا كەتەيىك، 1987 جىلى سول كەزدەگى كەڭەستەر وداعىنىڭ باسشىسى گورباچەۆ پەن اقش پرەزيدەنتى رەيگان ورتا جانە قىسقا قاشىقتىقتاعى زىمىرانداردىڭ كوزىن جويۋعا بايلانىستى كەلىسىمگە قول قويعان بولاتىن.

“The Qazaq Times”