Foto: Total.kz aqparat agenttigi

Şilde ayında Türkiyanıñ Antaliya qalasına 1,8 mln turist kelgen. Al Qazaqstan osı qalağa barğan turister sanı boyınşa Resey, Germeniya, Ukrainadan keyin törtinşi orında twr. 

Sonımen "Anadolu" agenttiginiñ mälimetinşe, Antaliya qalasına 68 mıñğa juıq qazaqstandıq barğan. Al eñ köp turist Reseyden kelgen. Olardıñ sanı 685 mıñ adamğa jetken. Ekinşi orında Germaniya. Bwl elden 245,5 mıñ adam Türkiyanıñ kurorttı aymağın tamaşalağan. Al Ukrainadan 140 mıñğa juıq adam barğan.

 Besinşi orında 58 mıñ adam sanımen Wlıbritaniya twr. Odan keyin Niderlandı - 50 mıñ adam, Belarus' – 37 mıñ, Bel'giya – 34 mıñ, Pol'şa – 32 mıñ jäne Daniya – 31 mıñ adam.

Sonday-aq, şilde ayında Antaliya äuejayınan sırtqı reys boyınşa 9 mıñ wşaq kelip qonğan, wşıp ketken äue kemesiniñ sanı da osı şamada. Al işki reys sanı kerisinşe, üş esege az bolğan.

Ayta keteyik, 2015 jılı Türkiya Reseydiñ Su-24 wşağın atıp tüsirgennen keyin 2016 jılı Reseyden keletin turister sanı 59%-ğa qısqarğan bolatın. Sonday aq, 2016 jıldıñ şilde ayında Türkiyada memlekettik töñkeris jasalmaq bolğannan keyin  jäne türli terakt saldarınan memlekettiñ jalpı işki öniminiñ 4,5%-ın qwraytın turizm salası biraz qwldırağan edi.

“The Qazaq Times”