Foto: Fotolia/ viperfzk

«3D-basıp-şığarudıñ damuına baylanıstı, därigerdiñ jazıp bergen därilerin pacient üyden şıqpay-aq, jasap aluğa mümkindik aldı. Bwl turalı Dubai Health Forum konferenciyasına qatısqan «RIA Novosti» tilşileri mälimdedi».  

Äñgime sozılmalı aurulardı emdeu turalı bolmaq. Dubaydıñ densaulıq saqtau isteri jönindegi departamentiniñ sarapşıları, köp wzamay nauqastardıñ üylerine atalmış tehnologiyalıq qwraldı kirgizetinine senim bildirip otır. Olardıñ pikirinşe, osılayşa qımbat twratın däri-därmekterge (mäselen onkologiyalıq aurularğa qarsı qoldanatın) ketetin şığındı azaytuğa boladı.

«Bizdiñ ideya – atalmış tehnologiyanı emhanalar men üylerge engizu. Nauqas adamdar däriler kombinaciyasın dwrıs mölşerde basıp-şığaradı. Apparattı dwrıs qoldanğan jağdayda, bwl täsil emdeluşiler üşin  äldeqayda tiimdi äri jıldam boladı. Auruhanalar qazirgi uaqıtta däriler şığarumen aynalıspaydı. Degenmen bwl ahualdı özgertuge boladı jäne mendicinalıq ortalıq öz öndiristik jobasına iske qosa aladı», – dep habarlaydı kompaniya ökili Al'varo Goyanes.

Farmacevterdiñ endigi mindeti: «basıp-şığarılatın» tabletkalardıñ är dayındamağa qajetti naqtı dozasın anıqtap beru. Osı dayındalğandar auruhanalarğa jiberilip, sol jerden şığarılatın boladı. Öndiruşilerdiñ aytuınşa, bwl jalğan därilerdiñ öndirisine tosqauıl bolmaq.

Bwl tehnologiyalardı täjiribe retinde januarlarğa qoldanıp kördi. Alayda, basqaruşılardıñ tarapınan maqwldau üşin äli de 2 jıl uaqıt qajet.

Därilerdi 3D-da basıp-şığaru qatañ tärtipte baqılanatın boladı. Al ielenu mümkindigi arnayı kodtardıñ kömegimen  jüzege asadı.

Gülim Rısqwl

"The Qazaq Times"