فوتو: Fotolia/ viperfzk

«3D-باسىپ-شىعارۋدىڭ دامۋىنا بايلانىستى، دارىگەردىڭ جازىپ بەرگەن دارىلەرىن پاتسيەنت ۇيدەن شىقپاي-اق، جاساپ الۋعا مۇمكىندىك الدى. بۇل تۋرالى Dubai Health Forum كونفەرەنتسياسىنا قاتىسقان «ريا نوۆوستي» تىلشىلەرى مالىمدەدى».  

اڭگىمە سوزىلمالى اۋرۋلاردى ەمدەۋ تۋرالى بولماق. دۋبايدىڭ دەنساۋلىق ساقتاۋ ىستەرى جونىندەگى دەپارتامەنتىنىڭ ساراپشىلارى، كوپ ۇزاماي ناۋقاستاردىڭ ۇيلەرىنە اتالمىش تەحنولوگيالىق قۇرالدى كىرگىزەتىنىنە سەنىم ءبىلدىرىپ وتىر. ولاردىڭ پىكىرىنشە، وسىلايشا قىمبات تۇراتىن ءدارى-دارمەكتەرگە (ماسەلەن ونكولوگيالىق اۋرۋلارعا قارسى قولداناتىن) كەتەتىن شىعىندى ازايتۋعا بولادى.

«ءبىزدىڭ يدەيا – اتالمىش تەحنولوگيانى ەمحانالار مەن ۇيلەرگە ەنگىزۋ. ناۋقاس ادامدار دارىلەر كومبيناتسياسىن دۇرىس مولشەردە باسىپ-شىعارادى. اپپاراتتى دۇرىس قولدانعان جاعدايدا، بۇل ءتاسىل ەمدەلۋشىلەر ءۇشىن  الدەقايدا ءتيىمدى ءارى جىلدام بولادى. اۋرۋحانالار قازىرگى ۋاقىتتا دارىلەر شىعارۋمەن اينالىسپايدى. دەگەنمەن بۇل احۋالدى وزگەرتۋگە بولادى جانە مەنديتسينالىق ورتالىق ءوز وندىرىستىك جوباسىنا ىسكە قوسا الادى», – دەپ حابارلايدى كومپانيا وكىلى الۆارو گويانەس.

فارماتسەۆتەردىڭ ەندىگى مىندەتى: «باسىپ-شىعارىلاتىن» تابلەتكالاردىڭ ءار دايىنداماعا قاجەتتى ناقتى دوزاسىن انىقتاپ بەرۋ. وسى دايىندالعاندار اۋرۋحانالارعا جىبەرىلىپ، سول جەردەن شىعارىلاتىن بولادى. وندىرۋشىلەردىڭ ايتۋىنشا، بۇل جالعان دارىلەردىڭ وندىرىسىنە توسقاۋىل بولماق.

بۇل تەحنولوگيالاردى تاجىريبە رەتىندە جانۋارلارعا قولدانىپ كوردى. الايدا، باسقارۋشىلاردىڭ تاراپىنان ماقۇلداۋ ءۇشىن ءالى دە 2 جىل ۋاقىت قاجەت.

دارىلەردى 3D-دا باسىپ-شىعارۋ قاتاڭ تارتىپتە باقىلاناتىن بولادى. ال يەلەنۋ مۇمكىندىگى ارنايى كودتاردىڭ كومەگىمەن  جۇزەگە اسادى.

گۇلىم رىسقۇل

"The Qazaq Times"