Foto: Reuters

Keniyada ağımdağı jıldıñ 8 tamızında  prezidenttik saylau ötedi. Qazir eldegi twtınu tauarları jarnamasınıñ ornın prezidenttik saylau kandidattarınıñ esimi jazılğan ügit-nasihat paraqşaları almastırğan. Saylauğa tüsetin kandidattıñ ärqaysısı elektrondı tirkeuden ötken 19 mln azamattardıñ dauısına ie bolğısı keledi.

Biılğı saylau 45 million halqı bar memleket 1992 jılı demokratiyalıq jüyege ötkeli 8-şi ret ötkeli otır. Halıqaralıq sarapşılar aldağı saylaudıñ nätijesi keniyalıqtardan bölek, bükil Afrika qwrlığı men älemdi tolğandırıp otır dep esepteydi. Sebebi...

"Ekonomikalıq hab"

Bükilälemdik Banktiñ deregine säykes, Nayrobi - Şığıs Afrikanıñ ekonomikalıq habı sanaladı, al Keniya öñirdegi ekinşi eñ iri ekonomikağa ie memleket. 2014 jılı körşiles Efiopiyada erekşe ekonomikalıq ösim orın alğanğa deyin, Keniya Şığıs Afrikadağı jılına 60 mlrd dollardı qwraytın kölemdi JİÖ-ge ie boldı. Nayrobi universitetiniñ ekonomisti Samuel' Niyademo: "Keniya öziniñ körşilerimen salıstırğanda, şeteldik investorlardı qwşaq jaya qarsı aldı. Köp jıldar boyı bwl memleket ekonomikası jedel qarqınmen ösip otırğan el boldı",  - deydi.

Halıqaralıq qılmıstıq sot

Keniyada ötetin prezidenttik saylau Gaagadağı Halıqaralıq qılmıstıq sot pen Europa qwrlığı halqınıñ jiti nazarında boladı. Sebebi 2007 jılı ötken prezidenttik saylauda sol kezdegi  memleket basşısı Mvai Kivaki qayta jeñiske jetip, jeñilis tapqan Rail Oding bastağan oppoziciya tarapı bilikke qarsı şeruler wyımdastırğan bolatın. Sayasi dağdarıstıñ soñı kikuyyu jäne kalen'i taypaları arasındağı wltaralıq qaqtığısqa wlasıp, 1300-ge juıq beybit twrğın qaza tapqan. 2014 jılı qazirgi Prezident Uhuru Keniata men onıñ prem'er-ministri Uil'yam Ruto 2007 jılğı qaqtığıstardı wyımdastırdı degen ayıppen Gaagadağı Halıqaralıq qılmıstıq sotqa tartıldı. Sol kezde saylauda orın alğan ädiletsizdikter qaytalanbas üşin jäne halıq arasındağı beybitşiliktiñ bwzılmauı üşin älemdik qauımdastıq bwl sayasi oqiğanı asığa kütip, erekşe baqılauda wstaytın boladı.

Gumanitarlıq wyımdar

Keniyada birneşe Oñtüstik Sudan, Kongo Demokratiyalıq Respublikası, Somali memleketterinde jwmıs isteytin halıqaralıq qayırımdılıq qorları  jäne bosqındarğa arnalğan iri lager'ler ornalasqan. Mwndağı bir ğana Kakuma lagerinde 160 mıñğa juıq bosqın bar. Eger saylaudan soñ, el işinde qaqtığıstar bastalıp ketse, bwl öz elindegi soğıstardan qaşıp kelgen bosqındarğa auır soqqı boladı. Onan bölek,  gumanitarlıq kömekti qajet etetin körşiles elderdiñ azıq-tülik qorı Nayrobide ornalasqandıqtan, olarğa jetkiziletin kömektiñ  keşikpeui de Keniyanıñ tınıştığına baylanıstı.

“The Qazaq Times”