Foto: NTV

Germaniya Euroodaqtı Qırımdağı Siemens turbinalarına qatıstı bolğan dauğa baylanıstı Reseyge qarsı jaña sankciyalar engizuge şaqırdı. Sonımen qatar osı särsenbide Eurokomissiya AQŞ-tıñ Reseyge salğan sankciyalarına qarsı äreket josparın talqılaytın jiın ötkizgeli otır.

Osı twsta BBC jurnalisteriniñ Euroodaqtıñ wstanıp otırğan sayasatına qatıstı täuelsiz sarapşılardan jinağan pikirin nazarlarıñızğa wsınamız.

Nemis jurnalisi Aleksandr Rar:

«Euroodaqtıñ AQŞ sankciyalarımen kelispeytin sebebi, onıñ engizilu sebebi men sayasi astarınıñ Germaniyağa da, özge Europa memleketterine de qatısı joq. AQŞ Reseyge qarsı qatañ şaralardı özderinde ötken saylau qorıtındısın özgertip, eldiñ işki isine qol swqtı degen ayıpqa erip, qabıldap otır. Ekinşi taraptan, Batıs elderi Reseyge erkindik berip, sankciyalardan tolıqtay bas tartudı öz bedelderine sın köredi. Sondıqtan Germaniya jaña jeñil sankciyalar wsınıp otır. Bwl şekteuler Resey ekonomikasına qattı keri äserin tigizbeydi, öytkeni Europanıñ gaz sektorındağı äriptestikti toqtatpauı, olardıñ Mäskeumen ekonomikalıq baylanıstardı birjola üzuge müddeli emestikterin bildiredi».

Täuelsiz sarapşı YUriy Fedorov:

«Europanıñ Reseyge qarsı engizip otırğan jaña şekteulerine negiz bar. Dauğa
aynalğan Siemens turbinaları Qırımğa mülde kirgizilmeu kerek bolatın. Al
AQŞ-tıñ äreketin qoldamauına kelsek, jaña qatañdatılğan ekonomikalıq
sankciyalar Reseyge ğana emes, üşinşi elderdiñ, onıñ işinde europalıq birqatar kompaniyalarğa äser etkeli twr».

Schneider Group kompaniyasınıñ negizin saluşı Ul'f Şnayder:

«Men ekonomikalıq sankciyalardı mülde qoldamaymın. Degenmen Germaniya
ekwştı äreketin tüsinetin siyaqtımın. AQŞ jaña sankciyaları «Soltüstik
ağıs – 2» (Severnıy potok - 2) jobasın toqtatuğa bağıttalğan boluı mümkin.
Eger solay bolsa, onda bwl jerde Europa da biraz zardap şegedi».

“The Qazaq Times”