Foto: evroportal.ru

2017 jıldıñ basınan beri 15 mıñ qazaqstandıq twrğılıqtı jerlerin auıstıru boyınşa qwjattarın tapsırğan. Bwl turalı QR İşki ister ministrligi mälimdedi, dep habarlaydı LS.

Ministrliktiñ mälimetinşe, osı uaqıtqa deyin Reseyge 13,2 mıñ, Germaniyağa 1,2 mıñ, Belarus'qa 75, Kanadağa 28, AQŞ-qa 72 adamğa ketuge rwqsat berilgen. 2016 jılı 29,7 mıñ ketu qwjatı berilgen.

Al Qazaqstanğa keluge niet bildirgenderge keler bolsaq, vedomstvo aqparatınşa, 8271 azamat Qazaqstanda twraqtı twru üşin ötiniş bergen. 2016 jıldıñ säykes kezeñimen salıstırğanda Qazaqstanda twruğa berilgen rwqsattar sanı 40 payızğa azayğan. 8149 şeteldikke twraqtı twruğa rwqsat berilgen.

Ayta keteyik, bwğan deyin QR Wlttıq ekonomika ministrliginiñ baspasöz qızmeti elden ketken köşip-qonuşılardıñ sanı 4,0% köbeyip, 10 975 adamdı qwrağanın mälimdegen.

Al 2017 jılğı qañtar-mamırda Qazaqstanğa twrğılıqtı twruğa kelgenderdiñ tirkelu sanı 2016 jılğı qañtar-mamırmen salıstırğanda 36,3%-ğa köbeyip, 7 204 adamdı qwradı.

“The Qazaq Times”