Foto: kazpravda.kz

Almatı äkimi Bauırjan Baybek 2017-2024 jıldarı sürilui tiis eski üylerge qatıstı jasalğan jaña bağdarlama boyınşa keñes ötkizdi, dep habarlaydı qala äkimdiginiñ baspasöz qızmeti. Bağdarlama ayasında qala aumağındağı 1034 eski qwrılıs qayta jañartılmaq. 

Baspasöz qızmetiniñ mälimetinşe, Bauırjan Baybekke osı bağdarlama iske asqanda 10 mıñ almatılıq otbasınıñ twrğın üy jağdayı jaqsaratını aytılğan.

Sonday-aq, qoljetimdi bağa boyınşa qosımşa 30 mıñnan astam päter salınadı, qala twrğındarı jaña äleumettik nısandarmen, mekteptermen, bala baqşalarmen, emhanalarmen, jañartılğan injenerlik kommunikaciyalarmen, abattandırığan aumaqtarmen jäne basqalarımen qamtamasız etilme. kOl üşin tayaudağı jeti jıl işinde qala ekonomikasına jalpı kölemi 400 mlrd teñge jeke investiciya tartılıp, 70 mıñnan astam jwmıs ornı qwrıladı.

«Bizdiñ bastı maqsatımız - twrğın üylerdi jañartıp qana qoymay, onıñ bağasın tömendetu, jaña jwmıs orındarın aşıp, investiciya tartu. Memleket basşısı tek «Nwrlı jer» bağdarlaması boyınşa ğana emes, sonımen qatar byudjetten tıs qarjı esebinen de qwrılıs saludı tapsırdı. Bizdiñ qalada bwl üşin barlıq jağdaylar bar, osı bağıttağı jwmıstardı odan äri jalğastıratın bolamız», - dedi Bauırjan Baybek.

Qala basşısı eski üylerdi jañartamız degenmen, onıñ sapası qanday boları belgisiz. Sebebi qazirgi uaqıtta Almatıda salınıp jatqan jaña üylerdiñ sapası eski üylerden de tömen ekeni belgili. Oğan Alğabas audanınındağı qwlağalı twrğan köpqabattı twrğın üy men jañbır jausa boldı töbesinen su tamşılaytın jaña üyler dälel.

“The Qazaq Times”