Foto: shuttle-logistic.com

2017 jıldıñ 6 ayında jolauşılardı äue köligimen tasımaldau 18,7%-ğa ösken. Osılayşa körsetkiş ötken jıldıñ birinşi jartıjıldığımen salıstırğanda 500 mıñ adamğa artqan. Bwl turalı QR Investiciyalar jäne damu ministrligi mälimdedi. 

2017 jılğı jartı jıldıqta barlığı 3,2 mln adam äue kompaniya qızmetterin paydalandı. Nwrswltan Nazarbaev halıqaralıq äuejayınıñ aqparatı boyınşa, ötken jıldıñ birinşi jartıjıldığımen salıstırğanda halıqaralıq bağıttar boyınşa jolauşılar tasımalı 46%-dı (2016 jılı – 113514 jolauşı, 2017 jılı – 165435 jolauşı) jäne işki reysterde 24%-dı (2016 jılı – 190979 jolauşı, 2017 jılı – 237309 jolauşı) qwradı.

2016 jılı äuejay 3,5 mln jolauşığa qızmet körsetken. 2017 jılğı jartı jıldıqta – 1,8 mln jolauşığa qızmet körsetilgen. Jıl basınan beri şeteldik jäne qazaqstandıq äue kompaniyalar 9 jaña halıqaralıq bağıttı aştı.

Ministrliktiñ mälimetinşe, «Aşıq aspan» şeñberinde Astana – Hel'sinki, Astana – Varşava, Astana – Budapeşt, Astana – Beyjiñ, Astana – Kiev, Astana – Batumi, Astana – N'yu-Deli, Astana – Erevan, Astana – Mineral'nıe vodı reysteri aşıldı. Qazaqstanğa pol'şalıq LOT, vengriyalıq loukoster Wizz Air, findıq Finnair, qıtaylıq Air China siyaqtı jaña äue tasımaldauşıları keldi.

“The Qazaq Times”