Foto: Kapital.kz

Qazaqstan balama jäne atom energetikasın damıtu josparı boyınşa tek işki narıqtı qamtamasız etip qana qoymay, sırtqı narıqta iri tasımaldauşılardıñ biri bolmaq. Bwl turalı Wlttıq ekonomika vice-ministri  Ernar Bakenov mälimdedi. 

Onıñ sözinşe, qazirgi kezde Qazaqstanda quatı 300 megavattı qwraytın jañartılğan energiya közderin (JEK) paydalanuşı 50 käsiporın jwmıs isteydi. Osı sebepti de memlekettiñ JEK-ti damıtuğa mümkindigi bar.

"Älemde energetika tiimdiligine jäne JEK-qa investiciya tartu wlğayıp keledi. Soñğı on jılda bizdiñ ekonomikağa 223 mlrd dollar şamasında tikeley investiciya tartıldı, onıñ şamamen 13 payızı öñdeuşi önerkäsipke investiciyalanğan. Qazirgi kezde Qazaqstanda JEK-tiñ ülesi 10 payızdı qwraydı. 2011-2015 jıldar aralığında mwnay ekvivalentindegi energetika sıyımdılığı 1,8 tonnadan 1,7 tonnağa deyin tömendegen", - dedi vice-ministr.

Sonday-aq, ol Qazaqstandı damıtu strategiyası boyınşa 2050 jılğa deyin Jalpı işki önimdegi energetika sıyımdılığın azaytu josparlanğanın atap ötti.

Ayta keteyik, qazirgi uaqıtta Qazaqstannıñ JİÖ-sin mwnay narığı qamtamasız etip otır. Sondıqtan "balama energetikanı tasımaldauşı iri el bolamız" degen pikir äzirge "arman" boluı mümkin.

 “The Qazaq Times”