Foto: Inform-UA

«Qazkontent» AQ National Digital History portalınıñ şetelde twratın etnikalıq qazaqtar turalı «Qiırdağı qazaqtar» attı 8 seriyalı derekti fil'miniñ tüsirilimi bastaldı. Derekti fil'm 16 jeltoqsan – QR Täuelsizdik küni qarsañında dayın boladı, dep habarlaydı Qazaqstan- 2050 saytı.

«Halqımızdıñ tağdırı tarihtıñ qiın-qıstau kezeñderin qamtidı. HH ğasırdıñ birinşi jartısında bolğan qayğılı oqiğalar ata-babalarımızdıñ aldına qiın tañdau qoydı. Osı sebepten bügingi küni Otanımızdan tıs jerlerde milliondağan qazaqtar twrıp jatır. Alayda, araqaşıqtıqqa qaramastan, olar babalarınan qalğan salt-dästürler men ädet-ğwrıptardı saqtay aldı. Bügin biz «Qiırdağı qazaqtar» attı öte mañızdı jobanıñ twsauın kesip otırmız», - dedi ministr QR aqparat jäne kommunikaciyalar ministri Däuren Abaev Ortalıq kommunikaciyalar qızmetinde ötken baspasöz konferenciyasında.

Onıñ sözinşe, ministrlik jäne National Digital History portalı osı jobanı qoğamdı, azamattarımızdı şeteldegi qazaqtardıñ ömirimen, twrmısımen jäne tağdırımen tanıstıru maqsatında Wlt josparı ayasında iske asırıp otır.

«Serial 8 bölimnen twradı, tüsirilimder 8 elde ötpek. Fil'mdi memlekettik tilde tüsirip, keyin onı orıs jäne ağılşın tilderine audarudı josparlap otırmız. Körermender osı fil'mdi Täuelsizdik küni qarsañında köre aladı degen ümittemiz», - dep atap ötti D. Abaev.

Al «Qazkontent» AQ törağası Evgeniy Koçetov tüsirilimniñ osı ayda bastalatını turalı ayttı.

“The Qazaq Times”