SpaceX jäne Tesla kompaniyasınıñ negizin qalauşı Ilon Mask. Foto: ecotechnica.com.ua

SpaceX jäne Tesla kompaniyasınıñ negizin qalauşı Ilon Masktıñ sözinşe, adamzatqa tönip twrğan negizgi qauip - jasandı intellekt. Fortune jurnalınıñ habarlauınşa, Mask bwl turalı AQŞ gubernatorlarınıñ wlttıq qauımdastıq aldında jasağan mälimdemesinde aytqan.

«Jasandı intellekt - adamzatqa tönegen eñ ülken qauip. Jol kölik oqiğası, äue apattarı, sapasız däri nemese naşar tamaqtanu eşqanday qauip emes", - deydi Mask. Sonday-aq, ol jasandı intellekti engizu jäne damıtu boyınşa barlıq tehnologiyalarda qoljetimdilik bar ekenin, adamdardı osı mäsele alañdatuı kerektigin atap ötti.

Bwdan bwrın Ilon Mask robottardıñ jasaluına baylanıstı jwmıs orındarı qısqarıp jwmıssızdıq deñgeyi köbeyetini turalı da eskertken. Tipti ol adamdarğa aqıldı boluğa qosımşa mümkindik beretin "mi-komp'yuter" tehnologiyasın qoldağan.

Ayta keteyik, bwğan deyin Qazaqstannıñ emhanalarında onkologiyalıq aurulardı emdeu üşin «jasandı intellekt» paydalanılatın turalı habarlanğan.  IBM kompaniyasımen jasalğan ekijaqtı kelisimniñ ayasında jasandı intellekt arqılı nauqasqa qanday em qoldanu kerektigi anıqtaladı. Tehnologiyanıñ derekter bazasında mıñdağan ğılımi maqalalar men qwndı derekter ornalastırıladı.

“The Qazaq Times”