يلون ماسك ادامزاتقا قانداي قاۋىپ ءتونىپ تۇرعانىن ايتتى

SpaceX جانە Tesla كومپانياسىنىڭ نەگىزىن قالاۋشى يلون ماسكتىڭ سوزىنشە، ادامزاتقا ءتونىپ تۇرعان نەگىزگى قاۋىپ - جاساندى ينتەللەكت. Fortune جۋرنالىنىڭ حابارلاۋىنشا، ماسك بۇل تۋرالى اقش گۋبەرناتورلارىنىڭ ۇلتتىق قاۋىمداستىق الدىندا جاساعان مالىمدەمەسىندە ايتقان.

«جاساندى ينتەللەكت - ادامزاتقا تونەگەن ەڭ ۇلكەن قاۋىپ. جول كولىك وقيعاسى، اۋە اپاتتارى، ساپاسىز ءدارى نەمەسە ناشار تاماقتانۋ ەشقانداي قاۋىپ ەمەس", - دەيدى ماسك. سونداي-اق، ول جاساندى ينتەللەكتى ەنگىزۋ جانە دامىتۋ بويىنشا بارلىق تەحنولوگيالاردا قولجەتىمدىلىك بار ەكەنىن، ادامداردى وسى ماسەلە الاڭداتۋى كەرەكتىگىن اتاپ ءوتتى.

بۇدان بۇرىن يلون ماسك روبوتتاردىڭ جاسالۋىنا بايلانىستى جۇمىس ورىندارى قىسقارىپ جۇمىسسىزدىق دەڭگەيى كوبەيەتىنى تۋرالى دا ەسكەرتكەن. ءتىپتى ول ادامدارعا اقىلدى بولۋعا قوسىمشا مۇمكىندىك بەرەتىن "مي-كومپيۋتەر" تەحنولوگياسىن قولداعان.

ايتا كەتەيىك، بۇعان دەيىن قازاقستاننىڭ ەمحانالارىندا ونكولوگيالىق اۋرۋلاردى ەمدەۋ ءۇشىن «جاساندى ينتەللەكت» پايدالانىلاتىن تۋرالى حابارلانعان.  IBM كومپانياسىمەن جاسالعان ەكىجاقتى كەلىسىمنىڭ اياسىندا جاساندى ينتەللەكت ارقىلى ناۋقاسقا قانداي ەم قولدانۋ كەرەكتىگى انىقتالادى. تەحنولوگيانىڭ دەرەكتەر بازاسىندا مىڭداعان عىلىمي ماقالالار مەن قۇندى دەرەكتەر ورنالاستىرىلادى.

“The Qazaq Times”