Ierusalim qalasında belgisiz adamdar policiya qızmetkerlerine oq jaudırdı dep habarlaydı VVS aqparat qızmeti.

Qwqıq qorğau organdarınıñ mälimetinşe, belgisiz üş adamdar Ierusalimnıñ eski qala böligine kiretin qaqpa mañında ornalasqan policiya beketine oq atıp, artınşa qaşıp ketpek bolğan. Biraq policiya qızmetkerleri olardıñ izine tüsip, tärtip saqşılarımen atıs kezinde üşeuide oqqa wşqan.

Jergilikti BAQ ökilderiniñ habarlauınşa, köz jwmğan üş adamnnıñ denesinen tapanşalar men pışaq tabılğan. Olardıñ kimder ekendigi jayında äzirge eşqanday resmi mälimdeme jasalmağan.

2015 jıldan beri Izrail'de evreylerge jergilikti arabtar men palistinalıqtar tarapınan jasalatın osığan wqsas şabuıldar jiilegen. Soñğı eki jılda osınday şabuıldıñ saldarınan 42 evrey köz jwmğan.

Al 2015 pen 2017 jıldarı aralığında Ierusalimde 240 palistinalıq osınday şabuıldardan baqilıq bolğan.

Palistinalıqtar Ierusalim qalasınıñ şığıs böligin öziniñ bolaşaqtağı astanası dep esepteydi. Al Izrail' Ierusalim ekige bölinbeydi, Ierusalim Izrail' eliniñ zañdı astanası dep esepteydi.

“The Qazaq Times”