Izrail' prem'er-ministri Bin'yamin Netan'yahu. Foto: dw.com

Tört künniñ işinde Izrail' Gaza sektorınıñ aumağına keminde 1 750 zımıran atılğan. Osığan baylanıstı BWW şwğıl keñes ötkizdi, biraq nätije bolğan joq. Keñestiñ 14 müşesi Izrail'den qaqtığıstı toqtatudı talap etti. Biraq AQŞ prezidenti Bayden Izrail'di qoldaytının aytıp, basqa taraptarmen kelisken joq.

Izrail' qorğanıs armiyasınıñ Twitter-degi jazbasında: «Izrail' Gaza sektorındağı 650-den astam terroristik nısanağa, sonıñ işinde zımırandarğa, Palestina Izrail'ge şabuıl jasau üşin qoldanatın 10 tunnel'ge, HAMAS qozğalısınıñ 100-den astam sodırına jäne «Islam jihadına» soqqı berdi», – delingen.

Palestina Densaulıq saqtau ministrliginiñ mälimetinşe, qaqtığıs kezinde 109 palestinalıq, onıñ işinde kämeletke tolmağan 28 qwrban bolğan. 600-den astam nısan qirağan. Jaraqattanğandar sanı arttı.

Palestina prezidenti Mahmwd Abbas mälimdemesinde: «Qwddıs Palestinanıñ janı men jüregi. Onı tolıq azat etpey, eşqanday da beybitşilik, qauipsizdik bolmaydı. Qwddıs – Palestinanıñ, mäñgilik memlekettiñ astanası. Men AQŞ pen Izrail'ge «jetedi endi, elimizden ketiñder» dep, şegelep twrıp aytqım keledi. Jerimizdegi basıp alu sayasatın erteñ emes, bügin toqtatıñdar»,– dedi.

Eki el arasında bastalğan qaqtığıs 10 mamırdan beri jalğasıp jatır. 12 mamırda Izrail' Gaza sektorına äueden şabuıl jasap, HAMAS tobınıñ komandirin öltirdi. Bwğan jauap retinde HAMAS Izrail' tarapın raketamen atqıladı. Sonday-aq Izrail' köşelerinde evreyler men izrail'dik arabtar töbelesip, janjaldasqan. Bwl mäselede Izrail' prem'eri Benjamin Netan'yahumen telefon arqılı söylesken AQŞ prezidenti Djo Bayden Izrail'ge qoldau bildirip, HAMAS tobınıñ raketa şabuıldarın ayıptağan.

Tayau Şığıstağı şielenis ötken ayda uşığa bastağan. Oğan Izrail' sotınıñ Ierusalimdegi Şeyh-Djarah audanınan palestinalıqtardı köşiru turalı şeşimi sebep boldı. Izrail' 1967 jılı Tayau Şığıstağı soğıstan soñ Şığıs Ierusalimdi basıp alıp, astanamız dep jariyalağan. Biraq halıqaralıq qauımdastıq Ierusalimdi Izrail' astanası dep moyındamadı. Palestinalıqtar Şığıs Ierusalimdi öz jerimiz äri bolaşaqta qwrılatın täuelsiz elimizdiñ astanası boladı dep sanaydı.

YAğni Ierusalim märtebesin anıqtau – Palestina-Izrail' qaqtığısındağı negizgi mäseleniñ biri. 1967 jılğı soğıs kezinde izrail'dikter qalanıñ şığıs böligin aldı. Olar Ierusalimdi Izrail'diñ «birtwtas jäne bölinbeytin» astanası dep ataydı. Al palestinalıqtar qalanıñ şığıs böligin öz memleketiniñ astanası retinde jariyalağısı keledi. 2018 jıldan bastap AQŞ pen Gvatemala elşilikteri Ierusalimde jwmıs istep twr.

2019 jılı mausımnıñ soñında Aq üy Palestina-Izrail' qaqtığısın retteu boyınşa qwjatta ekonomikalıq aspektiler bar ekenin mälimdedi. Atap aytqanda, Palestina men körşi elderge $50 mlrd.köleminde investiciya bölu qarastırılğan. Biraq Palestina äkimşiligi men birqatar arab elderi osınday közqarastı orınsız dep, qwjatqa boykot jariyaladı. Uaşington daulı aymaqqa aynalğan Ierusalimdi Izrail'diñ territoriyasına jatqızadı. Palestina bolsa, bwğan üzildi-kesildi qarsı.

"The Qazaq Times"