Foto: inosmi.ru

"Islam memleketi" lañkestik wyımınıñ birneşe  sodırları Iraktıñ Naynava  provinciyasındağı Tal'-Affar qalasın jeke memleket retinde jariyalap, özderin halifattan täuelsiz top esebinde tanıstırdı. 

"Jaña halifattıñ" müşeleri jergilikti halıqtı qorqıtıp, olardıñ biligine qarsılıqsız bağınuğa şaqırğan. Tal'-Affardağı wyımnan irgesin aulaq salıp, bölingen top "Islam memleketiniñ" basşısı Abu Bakr äl-Bağdadidıñ öliminen keyin, djihadşılardıñ birligine sızat  tüse bastağanın körsetedi.

Tal'-Affarda Abu Bakr äl-Bağdadidıñ jaqtastarın jappay twtqınğa alu jürgizilip jatır. Esteriñizge sala keteyik, lañkestik wyım basşısınıñ qazasın  11 şilde küni resmi  rastağan bolatın. Onıñ ornına bilikke kim kelgeni jariyalanğan joq.

“The Qazaq Times”