Foto: Sputnik

Türkiyanıñ Prem'er-ministri Binali Yıldırım ötken jıldıñ şilde ayında memlekettik töñkeris jasauğa talpınıstıñ orın aluına baylanıstı jariyalanğan tötenşe jağdaydıñ  ayasında jwmıstan bosatılğan memlekettik qızmetkerlerdiñ appelyaciyasın qaraytın arnayı komissiya qwrılğanın mälimdedi.

NTV telearnasınıñ tikeley efirinde söz alğan Binali Yıldırım: "Biz tötenşe jağdayğa säykes, qızmetinen qol üzip qalğan azamattardıñ olardıñ isterin qayta qarap, bayıbına baru üşin ötinim beruge jol aşıp otırmız. Osı jwmıspen tikeley aynalısatın arnayı komissiya ötinimderdi qabıldaudı 17 şilde küni bastaydı", - dedi.

Ötken jılı 16 şildege qarağan tüni Türkiyada memlekettik töñkeris jasauğa talpınğan toptıñ äreketi sätsiz ayaqtaldı. Nätijesinde, 240 türik azamattarı köz jwmıp, 2 mıñğa juıq adam jaralanğan. Osı oqiğadan keyin 32 mıñ adam twtqındalıp, 100 mıñğa juıq memlekettik qızmetker jwmıstan bosatıldı.

“The Qazaq Times”