تۇركيا «مەملەكەتتىك توڭكەرىس» وقيعاسىنان كەيىن قىزمەتتەن بوساتىلعانداردىڭ وتىنىشتەرىن قارايتىن بولدى

تۇركيانىڭ پرەمەر-ءمينيسترى بينالي يىلدىرىم وتكەن جىلدىڭ شىلدە ايىندا مەملەكەتتىك توڭكەرىس جاساۋعا تالپىنىستىڭ ورىن الۋىنا بايلانىستى جاريالانعان توتەنشە جاعدايدىڭ  اياسىندا جۇمىستان بوساتىلعان مەملەكەتتىك قىزمەتكەرلەردىڭ اپپەلياتسياسىن قارايتىن ارنايى كوميسسيا قۇرىلعانىن مالىمدەدى.

NTV تەلەارناسىنىڭ تىكەلەي ەفيرىندە ءسوز العان بينالي يىلدىرىم: ء"بىز توتەنشە جاعدايعا سايكەس، قىزمەتىنەن قول ءۇزىپ قالعان ازاماتتاردىڭ ولاردىڭ ىستەرىن قايتا قاراپ، بايىبىنا بارۋ ءۇشىن ءوتىنىم بەرۋگە جول اشىپ وتىرمىز. وسى جۇمىسپەن تىكەلەي اينالىساتىن ارنايى كوميسسيا وتىنىمدەردى قابىلداۋدى 17 شىلدە كۇنى باستايدى", - دەدى.

وتكەن جىلى 16 شىلدەگە قاراعان ءتۇنى تۇركيادا مەملەكەتتىك توڭكەرىس جاساۋعا تالپىنعان توپتىڭ ارەكەتى ءساتسىز اياقتالدى. ناتيجەسىندە، 240 تۇرىك ازاماتتارى كوز جۇمىپ، 2 مىڭعا جۋىق ادام جارالانعان. وسى وقيعادان كەيىن 32 مىڭ ادام تۇتقىندالىپ، 100 مىڭعا جۋىق مەملەكەتتىك قىزمەتكەر جۇمىستان بوساتىلدى.

“The Qazaq Times”